Nýtt hjúkrunarheimili byggt

Ráðgert er að byggja 2.000–2.500 fermetra hjúkrunarheimili á Egilsstöðum á næstu 2–3 árum. Sótt verður um 30 milljóna króna framlag úr ríkissjóði sem mun skiptast niður á þrjú ár til að lagfæra núverandi húsnæði sjúkrahúss og heilsugæslu til að það nýtist betur undir starfsemina.

Soffía Lárusdóttir, forseti bæjarstjórnar, segir að lögð sé áhersla á að byggja sem fyrst hjúkrunarheimili fyrir aldraða sem eru langveikir og dvalarheimili fyrir aldraða á Egilsstöðum.