Kaupa Draumahús

Bergur Steingrímsson, fjármálastjóri Draumahúsa, og Hjalti Pálmason, löggiltur fasteignasali, hafa keypt Draumahús, eina stærstu fasteignasölu landsins, af stofnendunum Helga Bjarnasyni og Ólafi Jóhannssyni.

Að sögn Bergs er Draumahús sú fasteignasala sem selur flestar fasteignir á landinu auk þess sem hún er í hópi þeirra veltuhæstu. Nokkur viðskipti hafa orðið með fasteignasölur að undanförnu og segir Bergur að margar sölur standi fjárfestum nú til boða.