Chelsea spilar í Bandaríkjunum í sumar

Englandsmeistarar Chelsea munu spila æfingaleiki í Bandaríkjunum í sumar til að undirbúa sig fyrir næstu leiktíð í ensku úrvalsdeildinni. Enska liðið mun meðal annars spila æfingaleik við sérstakt úrvalslið úr efstu deildinni þar í landi og er leikurinn settur 5. ágúst. "Ég er mjög ánægður með að fara aftur til Bandaríkjanna og það er fínn undirbúningur spila þar og undirbúa sig fyrir átökin í ensku úrvalsdeildinni," sagði Jose Mourinho, stjóri Chelsea.