Meirihlutaviðræðum á Akureyri slitið

Samfylkingin á Akureyri hefur slitið meirihlutaviðræðum við L-lista og Vinstri hreyfinguna - grænt framboð í bæjarstjórn Akureyrar. Frá þessu er greint í tilkynningu frá Samfylkingunni. Þar segir einnig að viðræður flokkanna í dag og gær hafi leitt í ljós að slíkur meirihluti geti aldrei orðið nægilega traustur til að sinna þeim mikilvægu verkefnum sem vinna þurfi á Akureyri. Ekki kemur fram hvort Samfylkingin ætli að ræða við aðra um samstarf í bæjarstjórn Akureyrar.