Mínus tekur upp nýja plötu í LA 1. nóvember 2006 15:30 Mínus Næsta plata hljómsveitarinnar verður tekin upp af manninum sem tók upp síðustu plötur Tool og Queens of the Stone Age. Hægt er að fylgjast með sveitinni á heimasíðunni myspace.com/minus. Strákarnir í rokksveitinni Mínus halda á vit ævintýranna síðar í mánuðinum. Þeir taka upp næstu plötu sína í Los Angeles undir stjórn mannsins sem tók upp síðustu plötur Tool og Queens of the Stone Age. „Við förum út 27. nóvember og verðum í tvær vikur í Borg englanna, Los Angeles,“ segir Kári Sturluson, umboðsmaður hljómsveitarinnar Mínuss um fyrirhugaðar upptökur á næstu plötu hljómsveitarinnar. Munu tveir þekktir upptökumenn stjórna upptökum á plötunni. Annar þeirra er Íslendingurinn Höskuldur Höskuldsson, eða Husky Huskolds eins og hann kallast í Bandaríkjunum, en hann hlaut Grammy-verðlaunin fyrir vinnu sína á fyrstu plötu Noruh Jones. Hinn er góður félagi Huskys, Joe Barresi sem unnið hefur með mörgum af þekktustu rokksveitum heims. „Við töluðum upphaflega við Husky um að taka þetta verkefni að sér af því að hann hefur unnið með skemmtilegu liði eins og Fantomas. Hann var meira en til í að vera með og stakk upp á að fá Joe Barresi í liðið,“ segir Kári. Hann segir að Husky og Barresi hafi verið sendar prufuupptökur af nýju efni Mínuss sem þeim leist vel á. „Barresi þekkti sögu bandsins vel og hafði alltaf fílað sándið. Hann vinnur oft með spennandi listamönnum sem hafa ekki náð hæstu hæðum og lítur á Mínus sem eitt af þessum verkefnum.“ Joe Barresi er sannkölluð goðsögn í rokkheiminum og hefur unnið með ótrúlegum fjölda af þekktum hljómsveitum á um 15 ára ferli sínum. Meðal þekktustu listamanna sem hann hefur unnið með eru Kyuss, L7, Melvins, Tom Petty, Weezer, Hole, Limp Bizkit, Tomahawk, The Neptunes, Auf der Maur, Lostprophets og Judas Priest. Síðustu stóru plöturnar sem hann tók upp eru Lullabies to Paralyze með Queens of the Stone Age og 10.000 Days með Tool. „Hann hefur unnið með ansi flottu liði en þessi Tool-plata kveikti svolítið í okkur neistann, hún hljómar alveg frábærlega. Það er ekkert launungarmál að bandið hefur alltaf stefnt að því að fikra sig aðeins hærra upp og ég held að það hafi vel náðst. Að fá þessa menn til liðs við okkur segir svolítið um þá virðingu sem Mínus hefur þegar áunnið sér,“ segir Kári. Síðasta plata Mínuss var Halldór Laxness og kom hún út fyrir þremur árum. Eftir að platan var gefin út í Evrópu og Bandaríkjunum fóru Mínusarnir í tónleikaferðalag til að kynna hana. Þegar tónleikaferðinni lauk tóku þeir sér svo gott frí, lágu lengi undir feldi og sömdu nýja tónlist. Í september léku þeir á fyrstu tónleikum sínum í eitt og hálft ár og síðan hafa þeir leikið á tvennum öðrum tónleikum, síðast á Airwaves-hátíðinni. Kári segir að fyrirliggjandi séu hátt í 20 lög sem valið verður úr fyrir upptökurnar sem standa eins og áður segir í tvær vikur. Husky og Barresi vinna síðan úr upptökunum og reiknað er með að platan verði tilbúin í janúar. Því má líklegt telja að næsta plata sveitarinnar komi út einhvern tíma á bilinu frá mars til júní á næsta ári. Kári er spurður hvernig nýja efnið hljómi: „Mínus-sándið er vel til staðar og öll sérkenni hljómsveitarinnar. Ég veit ekki hvort hægt er að segja að hún sé þyngri eða léttari en síðasta plata. Ég tek helst eftir því að það eru miklu fleiri góð lög til að velja úr nú en áður. Það verður erfitt að velja hverjum við eigum að sleppa.“ Menning Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Börn og sjálfstæðismenn velkomin í fylgd með forráðamönnum Ghostigital þruma út nýju lagi eftir níu ár Frumsýning á Vísi: Nýdönsk á slóðum Peter Gabriel og fleiri goðsagna „Ísland er í algjöru uppáhaldi hjá okkur“ FM Belfast fékk blessun Greifanna fyrir síðsumarsmelli Lalli töframaður sér börnunum fyrir brekkusöng „Næst á svið er Mammaðín!“ Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sjá meira
Strákarnir í rokksveitinni Mínus halda á vit ævintýranna síðar í mánuðinum. Þeir taka upp næstu plötu sína í Los Angeles undir stjórn mannsins sem tók upp síðustu plötur Tool og Queens of the Stone Age. „Við förum út 27. nóvember og verðum í tvær vikur í Borg englanna, Los Angeles,“ segir Kári Sturluson, umboðsmaður hljómsveitarinnar Mínuss um fyrirhugaðar upptökur á næstu plötu hljómsveitarinnar. Munu tveir þekktir upptökumenn stjórna upptökum á plötunni. Annar þeirra er Íslendingurinn Höskuldur Höskuldsson, eða Husky Huskolds eins og hann kallast í Bandaríkjunum, en hann hlaut Grammy-verðlaunin fyrir vinnu sína á fyrstu plötu Noruh Jones. Hinn er góður félagi Huskys, Joe Barresi sem unnið hefur með mörgum af þekktustu rokksveitum heims. „Við töluðum upphaflega við Husky um að taka þetta verkefni að sér af því að hann hefur unnið með skemmtilegu liði eins og Fantomas. Hann var meira en til í að vera með og stakk upp á að fá Joe Barresi í liðið,“ segir Kári. Hann segir að Husky og Barresi hafi verið sendar prufuupptökur af nýju efni Mínuss sem þeim leist vel á. „Barresi þekkti sögu bandsins vel og hafði alltaf fílað sándið. Hann vinnur oft með spennandi listamönnum sem hafa ekki náð hæstu hæðum og lítur á Mínus sem eitt af þessum verkefnum.“ Joe Barresi er sannkölluð goðsögn í rokkheiminum og hefur unnið með ótrúlegum fjölda af þekktum hljómsveitum á um 15 ára ferli sínum. Meðal þekktustu listamanna sem hann hefur unnið með eru Kyuss, L7, Melvins, Tom Petty, Weezer, Hole, Limp Bizkit, Tomahawk, The Neptunes, Auf der Maur, Lostprophets og Judas Priest. Síðustu stóru plöturnar sem hann tók upp eru Lullabies to Paralyze með Queens of the Stone Age og 10.000 Days með Tool. „Hann hefur unnið með ansi flottu liði en þessi Tool-plata kveikti svolítið í okkur neistann, hún hljómar alveg frábærlega. Það er ekkert launungarmál að bandið hefur alltaf stefnt að því að fikra sig aðeins hærra upp og ég held að það hafi vel náðst. Að fá þessa menn til liðs við okkur segir svolítið um þá virðingu sem Mínus hefur þegar áunnið sér,“ segir Kári. Síðasta plata Mínuss var Halldór Laxness og kom hún út fyrir þremur árum. Eftir að platan var gefin út í Evrópu og Bandaríkjunum fóru Mínusarnir í tónleikaferðalag til að kynna hana. Þegar tónleikaferðinni lauk tóku þeir sér svo gott frí, lágu lengi undir feldi og sömdu nýja tónlist. Í september léku þeir á fyrstu tónleikum sínum í eitt og hálft ár og síðan hafa þeir leikið á tvennum öðrum tónleikum, síðast á Airwaves-hátíðinni. Kári segir að fyrirliggjandi séu hátt í 20 lög sem valið verður úr fyrir upptökurnar sem standa eins og áður segir í tvær vikur. Husky og Barresi vinna síðan úr upptökunum og reiknað er með að platan verði tilbúin í janúar. Því má líklegt telja að næsta plata sveitarinnar komi út einhvern tíma á bilinu frá mars til júní á næsta ári. Kári er spurður hvernig nýja efnið hljómi: „Mínus-sándið er vel til staðar og öll sérkenni hljómsveitarinnar. Ég veit ekki hvort hægt er að segja að hún sé þyngri eða léttari en síðasta plata. Ég tek helst eftir því að það eru miklu fleiri góð lög til að velja úr nú en áður. Það verður erfitt að velja hverjum við eigum að sleppa.“
Menning Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Börn og sjálfstæðismenn velkomin í fylgd með forráðamönnum Ghostigital þruma út nýju lagi eftir níu ár Frumsýning á Vísi: Nýdönsk á slóðum Peter Gabriel og fleiri goðsagna „Ísland er í algjöru uppáhaldi hjá okkur“ FM Belfast fékk blessun Greifanna fyrir síðsumarsmelli Lalli töframaður sér börnunum fyrir brekkusöng „Næst á svið er Mammaðín!“ Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sjá meira