Enn hávaði og kraftur 3. nóvember 2006 10:15 Roger Daltrey söngvari og Pete Townshend gítarleikari eru komnir á fullt aftur með hljómsveitina The Who. Hér sjást þeir á tónleikum á T in the Park-hátíðinni í Bretlandi í sumar. Nýlega kom út fyrsta breiðskífa The Who í 24 ár. MYND/Getty Það áttu ekki margir von á því að gömlu brýnin í bresku rokksveitinni The Who ættu eftir að gefa út plötu með nýju efni, en nú er hún staðreynd. Endless Wire kemur út tæpum aldarfjórðungi á eftir síðustu hljóðversplötu þeirra, It’s Hard. Trausti Júlíusson komst að því að nýja platan sver sig í ætt við fyrri verk sveitarinnar. Hljómsveitin The Who er hiklaust eitt af stóru nöfnunum í rokksögunni. Hún sló í gegn um miðjan sjöunda áratuginn með rokkslögurum á borð við I Can’t Explain, Anyway Anyhow Anywhere og My Generation. Hún gerði Tommy, fyrstu rokkóperuna sem náði einhverjum vinsældum, árið 1969. Hún var þekkt fyrir brjálaða tónleika sem enduðu jafnvel á því að hljómsveitarmeðlimir mölvuðu gítara og veltu um koll trommusettinu og hátalarastæðum. Hún setti hávaðamet á tónleikum árið 1976 sem stóð í fjölda ára. Og fáar sveitir hafa rústað fleiri hótelherbergi. Síðustu tvo áratugi hefur hljómsveitin hins vegar lítið starfað og eingöngu komið saman til tónleikahalds. Eftir að bassaleikarinn John Entwistle dó fyrir fjórum árum voru flestir búnir að afskrifa sveitina endanlega. En aldeilis ekki. The Who hefur spilað mikið á árinu 2006 og fyrsta stúdíóplatan í 24 ár, Endless Wire, er nýkomin í verslanir. Og þá voru eftir tveir The Who var á blómaskeiði sínu skipuð fjórum meðlimum; Roger Daltrey söngvara, Pete Townshend, gítarleikara og aðallagasmið sveitarinnar, John Entwistle bassaleikara og Keith Moon trommuleikara. Keith var magnaður trommuleikari og alræmdur sukkari og ólátabelgur. Það var hann sem keyrði Rolls Royce út í sundlaugina á Holiday Inn-hóteli 1967 (verður seint toppað). Hann dó af ofneyslu lyfja árið 1978. John Entwistle bassaleikari dó svo eins og áður er getið árið 2002 af hjartaáfalli sem mátti rekja til kókaínneyslu. Og þá voru eftir tveir. Roger og Pete. Paul Weller og Oasis-menn hrifnir Það eru liðin 44 ár frá því Pete og Roger spiluðu fyrst saman í hljómsveit, en samband þeirra er enn sterkt. „Hjónaband mitt og konunnar hélt ekki, en hjónaband okkar Petes lifir enn,“ sagði Roger nýlega í viðtali þegar hann var spurður hvernig þeir færu að því að vera enn saman eftir öll þessi ár. The Who er nú að klára mikla heimstónleikaferð. Með Pete og Roger á því ferðalagi spila m.a. Simon bróðir Petes á gítar og Zak Starkey, sonur Ringo Starr, spilar á trommur. Tónleikarnir hafa fengið mjög góða dóma. Það er enn hávaði og kraftur í bandinu og yngri rokkarar eins og Paul Weller, meðlimir Oasis og The Fratellis hafa lýst yfir ánægju sinni með frammistöðuna. Tvískipt plata Eitt af því sem The Who er þekkt fyrir eru rokkóperurnar. Fyrstu mini-óperuna, A Quick One While He’s Away, samdi Pete Townshend 1966, en þekktastar eru Tommy og Quadrophenia. Nýja Who-platan Endless Wire er tvískipt. Fyrri hlutinn eru níu glæný lög, en seinni hlutinn er tíu laga mini-rokkóperan Wire & Glass í heild sinni. Tónlistin er mjög í anda fyrri verka sveitarinnar. Þetta eru kröftug rafmagnsgítarstykki í bland við rólegri kassagítarkafla. Gítartrikkin hans Petes eru á sínum stað og líka söngstíllinn hans Rogers. Ekki mikil nýsköpun kannski en þessi lög virka vel og heildarsvipurinn er fínn. Flestir tónlistarmiðlar hafa tekið plötunni vel. David Fricke hjá Rolling Stone gefur henni t.d. 4/5. Í næstu viku kemur nýtt tónleikasafn frá hljómsveitinni á DVD. Það heitir Who’s Better, Who’s Best ... Menning Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Börn og sjálfstæðismenn velkomin í fylgd með forráðamönnum Ghostigital þruma út nýju lagi eftir níu ár Frumsýning á Vísi: Nýdönsk á slóðum Peter Gabriel og fleiri goðsagna „Ísland er í algjöru uppáhaldi hjá okkur“ FM Belfast fékk blessun Greifanna fyrir síðsumarsmelli Lalli töframaður sér börnunum fyrir brekkusöng „Næst á svið er Mammaðín!“ Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sjá meira
Það áttu ekki margir von á því að gömlu brýnin í bresku rokksveitinni The Who ættu eftir að gefa út plötu með nýju efni, en nú er hún staðreynd. Endless Wire kemur út tæpum aldarfjórðungi á eftir síðustu hljóðversplötu þeirra, It’s Hard. Trausti Júlíusson komst að því að nýja platan sver sig í ætt við fyrri verk sveitarinnar. Hljómsveitin The Who er hiklaust eitt af stóru nöfnunum í rokksögunni. Hún sló í gegn um miðjan sjöunda áratuginn með rokkslögurum á borð við I Can’t Explain, Anyway Anyhow Anywhere og My Generation. Hún gerði Tommy, fyrstu rokkóperuna sem náði einhverjum vinsældum, árið 1969. Hún var þekkt fyrir brjálaða tónleika sem enduðu jafnvel á því að hljómsveitarmeðlimir mölvuðu gítara og veltu um koll trommusettinu og hátalarastæðum. Hún setti hávaðamet á tónleikum árið 1976 sem stóð í fjölda ára. Og fáar sveitir hafa rústað fleiri hótelherbergi. Síðustu tvo áratugi hefur hljómsveitin hins vegar lítið starfað og eingöngu komið saman til tónleikahalds. Eftir að bassaleikarinn John Entwistle dó fyrir fjórum árum voru flestir búnir að afskrifa sveitina endanlega. En aldeilis ekki. The Who hefur spilað mikið á árinu 2006 og fyrsta stúdíóplatan í 24 ár, Endless Wire, er nýkomin í verslanir. Og þá voru eftir tveir The Who var á blómaskeiði sínu skipuð fjórum meðlimum; Roger Daltrey söngvara, Pete Townshend, gítarleikara og aðallagasmið sveitarinnar, John Entwistle bassaleikara og Keith Moon trommuleikara. Keith var magnaður trommuleikari og alræmdur sukkari og ólátabelgur. Það var hann sem keyrði Rolls Royce út í sundlaugina á Holiday Inn-hóteli 1967 (verður seint toppað). Hann dó af ofneyslu lyfja árið 1978. John Entwistle bassaleikari dó svo eins og áður er getið árið 2002 af hjartaáfalli sem mátti rekja til kókaínneyslu. Og þá voru eftir tveir. Roger og Pete. Paul Weller og Oasis-menn hrifnir Það eru liðin 44 ár frá því Pete og Roger spiluðu fyrst saman í hljómsveit, en samband þeirra er enn sterkt. „Hjónaband mitt og konunnar hélt ekki, en hjónaband okkar Petes lifir enn,“ sagði Roger nýlega í viðtali þegar hann var spurður hvernig þeir færu að því að vera enn saman eftir öll þessi ár. The Who er nú að klára mikla heimstónleikaferð. Með Pete og Roger á því ferðalagi spila m.a. Simon bróðir Petes á gítar og Zak Starkey, sonur Ringo Starr, spilar á trommur. Tónleikarnir hafa fengið mjög góða dóma. Það er enn hávaði og kraftur í bandinu og yngri rokkarar eins og Paul Weller, meðlimir Oasis og The Fratellis hafa lýst yfir ánægju sinni með frammistöðuna. Tvískipt plata Eitt af því sem The Who er þekkt fyrir eru rokkóperurnar. Fyrstu mini-óperuna, A Quick One While He’s Away, samdi Pete Townshend 1966, en þekktastar eru Tommy og Quadrophenia. Nýja Who-platan Endless Wire er tvískipt. Fyrri hlutinn eru níu glæný lög, en seinni hlutinn er tíu laga mini-rokkóperan Wire & Glass í heild sinni. Tónlistin er mjög í anda fyrri verka sveitarinnar. Þetta eru kröftug rafmagnsgítarstykki í bland við rólegri kassagítarkafla. Gítartrikkin hans Petes eru á sínum stað og líka söngstíllinn hans Rogers. Ekki mikil nýsköpun kannski en þessi lög virka vel og heildarsvipurinn er fínn. Flestir tónlistarmiðlar hafa tekið plötunni vel. David Fricke hjá Rolling Stone gefur henni t.d. 4/5. Í næstu viku kemur nýtt tónleikasafn frá hljómsveitinni á DVD. Það heitir Who’s Better, Who’s Best ...
Menning Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Börn og sjálfstæðismenn velkomin í fylgd með forráðamönnum Ghostigital þruma út nýju lagi eftir níu ár Frumsýning á Vísi: Nýdönsk á slóðum Peter Gabriel og fleiri goðsagna „Ísland er í algjöru uppáhaldi hjá okkur“ FM Belfast fékk blessun Greifanna fyrir síðsumarsmelli Lalli töframaður sér börnunum fyrir brekkusöng „Næst á svið er Mammaðín!“ Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sjá meira