Þyrla sótti slasaða konu

Þyrla Landhelgisgæslunnar sótti laust eftir hádegi í gær konu sem slasast hafði rétt við Hvolsvöll og flutti hana á Landspítala í Fossvogi. Konan hafði fallið af hesti þegar hún var í reiðtúr ásamt fjölskyldu sinni og missti við það meðvitund.

Að sögn lögreglunnar á Hvolsvelli komst hún aftur til meðvitundar áður en þyrlan kom á staðinn. Vakthafandi læknir á gjörgæsludeild í Fossvogi sagði í gær að ekki væri enn vitað hversu alvarlegir áverkar hennar væru.