Innlent

Kviknaði í tjaldi í Eyjum

Hátíðarhöldum á all flestum útihátíðum lauk formlega í gærkvöldi. Á Akureyri voru níu teknir með fíkniefni sem þýðir að alls hafa sextíu og fjögur fíkniefnamál komið upp þar um helgina. Í Vestmannaeyjum skall hurð nærri hælum þegar flugeldur lenti á einu tjaldanna í dalnum.

Á Akureyri gekk nóttin mun betur fyrir sig en fyrri nótt og engin alvarleg mál komu upp. 9 voru teknir með fíkniefni og eru þá fíkniefnamálin á Akureyri þessa helgi orðin 64. Í þremur tilfellum leikur grunum á að fíkniefnin hafi verið ætluð til sölu og dreifingar. Mikill fjöldi safnaðist saman á kvöldvöku og brekkusöng á íþróttavellinum á Akureyri sem lauk með glæsilegri flugeldasýningu. Þrátt fyrir talsverða ölvun var lítið um slagsmál og pústra að sögn lögreglu. Í gærkvöldi fór umferðin frá svæðinu að aukast en búast má við að hún þyngist töluvert þegar líður á daginn.

'i Vestmannaeyjum mátti engu muna að illa færi þegar gæslumenn skutu flugeldum á loft til að lýsa upp herjólfsdal. Vildi ekki betur til en svo að einn flugeldurinn fór af leið og hafnaði í einu tjaldanna sem í voru meðal annars þrjú börn. Gæslumenn voru fljótir á staðinn og komust allir úr tjaldinu, heilir á höldnu. Mikið rok var í dalnum í nótt en gæslan telur það ekki hafa haft áhrif heldur að flugeldurinnhafi verið gallaður. Að öðru leyti gekk allt vel fyrir sig, einn var tekinn með fíkniefni og gistir hann nú fanageymslu.




Fleiri fréttir

Sjá meira


×