Útgáfa krónubréfa heldur áfram

Deutsche bank gaf í dag út skuldabréf í íslenskum krónum fyrir um tvo milljarðar króna. Bréfin eru gefin út til eins árs.

Í hálf fimm fréttum KB banka segir að alls hafi verið gefin út krónubréf fyrir um 34 milljarða króna í september og um 290 milljarða í heild sinni. Í fréttum greiningardeildar bankans segir að Deutsche bank sé líklega að framlengja skuldabréf á gjalddaga en bankinn á bréf upp á tíu og hálfan milljarð króna sem koma á gjalddaga í vikunni.