Vegagerðin hóf útboð á ný

Vegagerðin bauð í dag út þrjú verk. Geir H. Haarde, forsætisráðherra, tilkynnti í síðustu viku að myndast hefði svigrúm til að hefja samgöngubætur á ný en í júní voru öll útboð vegna Vegagerðar stöðvuð.

Boðinn var út Veigastaðarvegur, sem er milli Hringvegar og Eyjafjarðarbrautar eystri. Einnig var óskað eftir tilboðum í nýbyggingu 7,7 kílómetra kafla Hringvegar milli Ármótasels og Skjöldólfsstaða 2 á Jökuldal og í Uxahryggjarveg frá Tröllhálsi að Kaldadalsvegi.