Lækjargata lokuð til norðurs vegna framkvæmda

Lækjargata verður lokuð til norðurs við Hverfisgötu næstu tíu dagana vegna framkvæmda. Lokað verður í fyrramáli klukkan tíu.

Verið er að vinna við frárennslislagnir og verður umferð austur Lækjargötu beint upp Hverfisgötu og umferð niður Hverfisgötu beint suður Lækjargötu. Einnig verður lokað tímabundið fyrir umferð frá Kalkofnsvegi inn Lækjargötu. Vegfarendur sem leið eiga um svæðið eru beðnir að sýna tillitsemi og aðgát á meðan á framkvæmdum stendur.