Hugarsmíð Simons Cowell slær í gegn 16. nóvember 2006 11:45 Þau Louis Walsh, Sharon Osbourne og Simon Cowell hafa fengið sinn skerf af gagnrýni í bresku fjölmiðlunum. Hugmyndasmiðurinn á bak við X-Factor ætti að vera íslenskum sjónvarpsáhorfendum að góðu kunnur en það er Idol-dómarinn Simon Cowell. Er talið að hann hafi viljað koma á fót þætti sem hann ætti sjálfur sjónvarpsréttinn að. Hugmyndin hjá Cowell hefur væntanlega verið sú að nýta eigin vinsældir, sem eru töluverðar, og átti X-Factor að koma í staðinn fyrir Pop Idol sem ýtt var út í kuldann eftir tvær þáttaraðir. Ekki gekk hins vegar þrautalaust fyrir Cowell og félaga að koma þættinum á legg á sínum tíma því gamall samstarfsfélagi Cowells, Simon Fuller, setti í fyrstu lögbann á þáttinn og taldi hann vera of líkan Pop Idol sem hann á heiðurinn að. Fyrirtækið hans 19 TV höfðaði því mál á hendur FreemantleMedia, Simon Cowell og fyrirtæki hans Simco and Syco. Málið rataði alla leið fyrir dómara en áður en hann komst að niðurstöðu sömdu nafnarnir um málalyktir og fær Fuller sinn skerf af öllum þeim gróða sem X-Factor aflar. Þáttaröðin í Bretlandi hefur jafnframt fengið sína útreið í bresku pressunni því götublöðin þar hafa verið dugleg við að herja á þáttastjórnendur og þátttakendur. Þannig hafa þau Louis Walsh og Sharon Osbourne verið sökuð um „óheiðarleg" vinnubrögð og Walsh sagður hygla keppendum sem hann þekkti áður en þeir tóku þátt. Hvað sem því líður hefur X-Factor á Bretlandi hlotið fjöldann allan af verðlaunum og hirti meðal annars The British Comedy Awards í fyrra. Breskir fjölmiðlar hafa hins vegar ósjaldan haldið því fram að þátturinn sé skipulagður í þaula, ákveðið sé fyrirfram hvaða atriði komist áfram og orðaskipti dómaranna séu skrifuð niður fyrirfram. Vakti það mikla undrun og athygli þegar Louis Walsh tilkynnti að hann hygðist ekki snúa aftur í einni þáttaröðinni og sakaði hina dómarana um einelti. Urðu fjölmiðlar enn sannfærðari um leikstýrðan þátt þegar Walsh settist í dómarasætið næstu helgi á eftir. Íslendingar tengjast bresku útgáfunni nokkuð því Nylon-flokkurinn hefur sungið með tveimur þátttakendanna sem náð hafa nokkuð langt; þær kveikja á jólaljósum í breskum smábæ með sigurvegara fyrstu keppninnar, Steve Brookstein, og voru á tónleikaferðalagi með strákasveitinni Journey South sem náðu þriðja sætinu í fyrra. Stjórnendur ITV sjá væntanlega ekki eftir þeirri ráðstöfun að leggja Cowell lið því yfir tíu milljónir manna horfa á hann, Sharon og Walsh berjast um bestu bitana. X-Factor-þátturinn er talinn vera eitt stærsta áheyrnarpróf Bretlands því þarna mega allir á aldrinum sextán ára og upp úr taka þátt. Áður en fyrsti þátturinn var gerður mættu fimmtíu þúsund þátttakendur, þeim fjölgaði í sjötíu og fimm þúsund fyrir næsta þátt og hafa verið í kringum hundrað þúsund fyrir þættina sem nú eru í gangi. Verðlaunin í Bretlandi eru heldur ekki af verri endanum, ein milljón sterlingspunda og plötusamningur og samkvæmt veðbönkum í Bretlandi fyrir þessi jól er líklegast að smáskífa sigurvegara X-Factor, sem krýndur verður í jólamánuðinum, komi til með að tróna á toppnum, en það ætti að gefa góða mynd af vinsældum þáttarins þar. Nú þegar Íslendingar halda X-Factor í fyrsta skipti komast þeir í hóp með löndum á borð við Kasakstan, Belgíu, Ástralíu, Hollandi og Kólumbíu auk Rússlands. Samkvæmt lagaákvæðum má ekki gera X-Factor í Bandaríkjunum þar sem Simon Cowell er skuldbundinn American Idol. Menning Mest lesið „Siðlausi siðfræðingurinn“ hreyfir ekki við Stefáni Einari Lífið Úr Idolinu yfir í útvarpið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Lakkrískóngurinn Bülow selur sveitasetrið Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Skilnaður Step Up hjóna genginn í gegn Lífið Frumsýning á Vísi: Rokkað á miðju gólfi komin sjö mánuði á leið Tónlist Hjem til jul aftur á skjáinn Bíó og sjónvarp Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira
Hugmyndasmiðurinn á bak við X-Factor ætti að vera íslenskum sjónvarpsáhorfendum að góðu kunnur en það er Idol-dómarinn Simon Cowell. Er talið að hann hafi viljað koma á fót þætti sem hann ætti sjálfur sjónvarpsréttinn að. Hugmyndin hjá Cowell hefur væntanlega verið sú að nýta eigin vinsældir, sem eru töluverðar, og átti X-Factor að koma í staðinn fyrir Pop Idol sem ýtt var út í kuldann eftir tvær þáttaraðir. Ekki gekk hins vegar þrautalaust fyrir Cowell og félaga að koma þættinum á legg á sínum tíma því gamall samstarfsfélagi Cowells, Simon Fuller, setti í fyrstu lögbann á þáttinn og taldi hann vera of líkan Pop Idol sem hann á heiðurinn að. Fyrirtækið hans 19 TV höfðaði því mál á hendur FreemantleMedia, Simon Cowell og fyrirtæki hans Simco and Syco. Málið rataði alla leið fyrir dómara en áður en hann komst að niðurstöðu sömdu nafnarnir um málalyktir og fær Fuller sinn skerf af öllum þeim gróða sem X-Factor aflar. Þáttaröðin í Bretlandi hefur jafnframt fengið sína útreið í bresku pressunni því götublöðin þar hafa verið dugleg við að herja á þáttastjórnendur og þátttakendur. Þannig hafa þau Louis Walsh og Sharon Osbourne verið sökuð um „óheiðarleg" vinnubrögð og Walsh sagður hygla keppendum sem hann þekkti áður en þeir tóku þátt. Hvað sem því líður hefur X-Factor á Bretlandi hlotið fjöldann allan af verðlaunum og hirti meðal annars The British Comedy Awards í fyrra. Breskir fjölmiðlar hafa hins vegar ósjaldan haldið því fram að þátturinn sé skipulagður í þaula, ákveðið sé fyrirfram hvaða atriði komist áfram og orðaskipti dómaranna séu skrifuð niður fyrirfram. Vakti það mikla undrun og athygli þegar Louis Walsh tilkynnti að hann hygðist ekki snúa aftur í einni þáttaröðinni og sakaði hina dómarana um einelti. Urðu fjölmiðlar enn sannfærðari um leikstýrðan þátt þegar Walsh settist í dómarasætið næstu helgi á eftir. Íslendingar tengjast bresku útgáfunni nokkuð því Nylon-flokkurinn hefur sungið með tveimur þátttakendanna sem náð hafa nokkuð langt; þær kveikja á jólaljósum í breskum smábæ með sigurvegara fyrstu keppninnar, Steve Brookstein, og voru á tónleikaferðalagi með strákasveitinni Journey South sem náðu þriðja sætinu í fyrra. Stjórnendur ITV sjá væntanlega ekki eftir þeirri ráðstöfun að leggja Cowell lið því yfir tíu milljónir manna horfa á hann, Sharon og Walsh berjast um bestu bitana. X-Factor-þátturinn er talinn vera eitt stærsta áheyrnarpróf Bretlands því þarna mega allir á aldrinum sextán ára og upp úr taka þátt. Áður en fyrsti þátturinn var gerður mættu fimmtíu þúsund þátttakendur, þeim fjölgaði í sjötíu og fimm þúsund fyrir næsta þátt og hafa verið í kringum hundrað þúsund fyrir þættina sem nú eru í gangi. Verðlaunin í Bretlandi eru heldur ekki af verri endanum, ein milljón sterlingspunda og plötusamningur og samkvæmt veðbönkum í Bretlandi fyrir þessi jól er líklegast að smáskífa sigurvegara X-Factor, sem krýndur verður í jólamánuðinum, komi til með að tróna á toppnum, en það ætti að gefa góða mynd af vinsældum þáttarins þar. Nú þegar Íslendingar halda X-Factor í fyrsta skipti komast þeir í hóp með löndum á borð við Kasakstan, Belgíu, Ástralíu, Hollandi og Kólumbíu auk Rússlands. Samkvæmt lagaákvæðum má ekki gera X-Factor í Bandaríkjunum þar sem Simon Cowell er skuldbundinn American Idol.
Menning Mest lesið „Siðlausi siðfræðingurinn“ hreyfir ekki við Stefáni Einari Lífið Úr Idolinu yfir í útvarpið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Lakkrískóngurinn Bülow selur sveitasetrið Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Skilnaður Step Up hjóna genginn í gegn Lífið Frumsýning á Vísi: Rokkað á miðju gólfi komin sjö mánuði á leið Tónlist Hjem til jul aftur á skjáinn Bíó og sjónvarp Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira