Kúbíski Kjarvalinn í danska forvörslu fyrir heimkomu 16. mars 2007 07:00 Kjarvalsverkið, sem slegið var fyrir metupphæð á uppboði í Kaupmannahöfn í síðasta mánuði, er ekki komið til landsins. Að sögn Jóhanns Ágústs Hansen listaverkasala fara danskir forverðir um það höndum og verið er að velja ramma við hæfi. Nafn hins raunverulega kaupanda verður gefið upp í fyllingu tímans. „Nei, verkið er ekki komið til landsins. Og ekki alveg víst hvenær það verður. Það er verið að ganga frá því að hún verði hreinsuð og rannsökuð. Að hún verði í góðu ástandi þegar ég afhendi hana," segir Jóhann Ágúst Hansen, listmunasali hjá Galleríi Fold. Fréttablaðið fylgdist grannt með því þegar mikið verk, áður óuppgötvað, eftir Jóhannes S. Kjarval, Hvítasunnudagur, var slegið fyrir metupphæð á uppboði í Kaupmannahöfn 27. febrúar. Enda talið einstakt og lýsa kúbísku skeiði í list Kjarvals. Jóhann Ágúst hreppti myndina eftir mikinn og æsispennandi slag og bauð í hana sem nemur rúmum 15 milljónum íslenskra króna. Eru þá ótaldar milljónir í sölulaun og gjöld. Enn er ekki vitað hvenær verkið mikla kemur til landsins en það verður líklega einhvern tíma með vorinu. Eftir að danskir forverðir hafa farið um hana höndum. Jóhann Ágúst var með eigandann í eyranu allt uppboðið og segist hafa verið kominn vel yfir þá upphæð sem þeir höfðu ákveðið sín á milli að væri þakið. En Jóhann telur þó sinn mann hafa verið reiðubúinn að fara enn hærra. „Ég veit ekki hversu hátt hefði verið farið. En við höfum orðið vör við áhuga úti í bæ fyrir því að greiða enn hærra verð fyrir myndina. Þannig að það eru greinilega fleiri en við sem höfðum tök á þessu eins og sást greinilega. Við vorum ekki bara tveir að bjóða í hana. Fimm í það heila sem fóru yfir milljón danskar," segir Jóhann Ágúst. Listmunasalinn segir að gefið verði upp í fyllingu tímans hver hinn raunverulegi kaupandi verksins er. Enn sem komið er sé það nafn aðeins milli Jóhanns og kaupandans. Jóhann Ágúst lét þess svo getið í samtali við blaðamann Fréttablaðsins úti í Kaupmannahöfn strax eftir uppboðið að almenningur á Íslandi fengi að njóta myndarinnar og Jóhann segir það standa. Þótt hún fari á einkasafn mun eigandinn ekki loka hana inni. „Ef beðið verður um myndina á sýningu safna er ekki útilokað að það verði leyft. En það er alfarið hans ákvörðun. Þegar að því kemur. Söfnin hafa mikinn áhuga á þessari mynd. Hafa lýst því yfir og ég geri ráð fyrir að þau vilji sýna hana. Hún var ekki keypt í þeim tilgangi að fela hana. Það er samfélagsleg skylda allra sem eiga fræg listaverk að sýna þau einhvern tíma. Það ætti að vera krafa á alla listaverkasala að mínu mati." Jóhann Ágúst hefur gert upp árið 2006 hvað varðar listaverkasölu og þar má greina hækkun listaverkavísitölu um 18 prósent. Sem er minni hækkun en var milli áranna 2004 og 2005 - þá hækkun um 124 prósent. „Verðmæti seldra verka árið 2006 er kr. 105.533.627 á verðlagi ársins 2005 sem er aukning upp á 21% frá fyrra ári." Mest lesið Vala Grand gengin út Lífið Jökull í Kaleo í Glæstar vonir Bíó og sjónvarp Lil Curly og Brynja ekki lengur bara vinir Lífið Spjótin hætta ekki að beinast að Blake Lively Lífið Stórstjörnur og lúðrasveit í brúðkaupi Fanneyjar og Teits Lífið Segist standa með Helga Magnúsi gegn hótunum Lífið Fjögur börn og trúlofun hjá Evu Dögg Lífið Brad Pitt stoppaði í hamborgara í Dalakofanum Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Stjörnulífið: Stjörnubrúðkaup og Áslaug Arna í golfi Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Kjarvalsverkið, sem slegið var fyrir metupphæð á uppboði í Kaupmannahöfn í síðasta mánuði, er ekki komið til landsins. Að sögn Jóhanns Ágústs Hansen listaverkasala fara danskir forverðir um það höndum og verið er að velja ramma við hæfi. Nafn hins raunverulega kaupanda verður gefið upp í fyllingu tímans. „Nei, verkið er ekki komið til landsins. Og ekki alveg víst hvenær það verður. Það er verið að ganga frá því að hún verði hreinsuð og rannsökuð. Að hún verði í góðu ástandi þegar ég afhendi hana," segir Jóhann Ágúst Hansen, listmunasali hjá Galleríi Fold. Fréttablaðið fylgdist grannt með því þegar mikið verk, áður óuppgötvað, eftir Jóhannes S. Kjarval, Hvítasunnudagur, var slegið fyrir metupphæð á uppboði í Kaupmannahöfn 27. febrúar. Enda talið einstakt og lýsa kúbísku skeiði í list Kjarvals. Jóhann Ágúst hreppti myndina eftir mikinn og æsispennandi slag og bauð í hana sem nemur rúmum 15 milljónum íslenskra króna. Eru þá ótaldar milljónir í sölulaun og gjöld. Enn er ekki vitað hvenær verkið mikla kemur til landsins en það verður líklega einhvern tíma með vorinu. Eftir að danskir forverðir hafa farið um hana höndum. Jóhann Ágúst var með eigandann í eyranu allt uppboðið og segist hafa verið kominn vel yfir þá upphæð sem þeir höfðu ákveðið sín á milli að væri þakið. En Jóhann telur þó sinn mann hafa verið reiðubúinn að fara enn hærra. „Ég veit ekki hversu hátt hefði verið farið. En við höfum orðið vör við áhuga úti í bæ fyrir því að greiða enn hærra verð fyrir myndina. Þannig að það eru greinilega fleiri en við sem höfðum tök á þessu eins og sást greinilega. Við vorum ekki bara tveir að bjóða í hana. Fimm í það heila sem fóru yfir milljón danskar," segir Jóhann Ágúst. Listmunasalinn segir að gefið verði upp í fyllingu tímans hver hinn raunverulegi kaupandi verksins er. Enn sem komið er sé það nafn aðeins milli Jóhanns og kaupandans. Jóhann Ágúst lét þess svo getið í samtali við blaðamann Fréttablaðsins úti í Kaupmannahöfn strax eftir uppboðið að almenningur á Íslandi fengi að njóta myndarinnar og Jóhann segir það standa. Þótt hún fari á einkasafn mun eigandinn ekki loka hana inni. „Ef beðið verður um myndina á sýningu safna er ekki útilokað að það verði leyft. En það er alfarið hans ákvörðun. Þegar að því kemur. Söfnin hafa mikinn áhuga á þessari mynd. Hafa lýst því yfir og ég geri ráð fyrir að þau vilji sýna hana. Hún var ekki keypt í þeim tilgangi að fela hana. Það er samfélagsleg skylda allra sem eiga fræg listaverk að sýna þau einhvern tíma. Það ætti að vera krafa á alla listaverkasala að mínu mati." Jóhann Ágúst hefur gert upp árið 2006 hvað varðar listaverkasölu og þar má greina hækkun listaverkavísitölu um 18 prósent. Sem er minni hækkun en var milli áranna 2004 og 2005 - þá hækkun um 124 prósent. „Verðmæti seldra verka árið 2006 er kr. 105.533.627 á verðlagi ársins 2005 sem er aukning upp á 21% frá fyrra ári."
Mest lesið Vala Grand gengin út Lífið Jökull í Kaleo í Glæstar vonir Bíó og sjónvarp Lil Curly og Brynja ekki lengur bara vinir Lífið Spjótin hætta ekki að beinast að Blake Lively Lífið Stórstjörnur og lúðrasveit í brúðkaupi Fanneyjar og Teits Lífið Segist standa með Helga Magnúsi gegn hótunum Lífið Fjögur börn og trúlofun hjá Evu Dögg Lífið Brad Pitt stoppaði í hamborgara í Dalakofanum Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Stjörnulífið: Stjörnubrúðkaup og Áslaug Arna í golfi Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira