Raggi fer til Feneyja Páll Baldvin Baldvinsson skrifar 23. nóvember 2007 06:00 Ragnar Kjartansson myndlistarmaður. Vísir/GVA Tilkynnt var í gær við hátíðlega athöfn í Listasafni Íslands sem Kynningarmiðstöð íslenskrar myndlistar stóð fyrir að Ragnar Kjartansson, myndlistarmaður með meiru, yrði fulltrúi Íslands á Tvíæringnum í Feneyjum 2009. Í þann mund sem athöfnin stóð yfir voru menn í óða önn að pakka saman í Feneyjum sýningu Steingríms Eyfjörð Kristmundssonar sem staðið hefur frá í vor og á fjórða tug þúsunda gesta sótti. Framkvæmdastjóri Kynningarmiðstöðvar, Christian Schoen, stýrði athöfninni í gær og flutti þakkarorð þeim mörgu sem lögðu sýningunni í Feneyjum lið í sumar, sýningarstjóranum Hönnu Styrmisdóttur, styrktaraðilum öllum og ráðuneytinu. Christian stóð að baki þeirri ákvörðun að draga sýningarhald Íslands að Stóra kanal, býsna langt frá aðalsýningarsvæðinu í austurhluta Feneyja þar sem sýningarhald tvíæringsins er jafnan. Var sýningu Steingríms komið fyrir í Palazzo Bianchi Michiel þar sem grunnhæðin gaf möguleika á talsvert góðu rými til sýningarhaldsins. Sýningin vakti talsverða athygli, fékk lofsamlega dóma í meðal annars Observer og Kunstforum international. Verður sýningin sett upp í heild í janúar hér í Listasafni Reykjavíkur en það kom að framkvæmdinni með tilleggi í hina myndarlegu sýningarskrá. Menntamálaráðherra lýsti vilja sínum til sóknar á þessum mikilvæga stað í hinum alþjóðlega myndlistarheimi. Það væri einlægur vilji sinn að gera betur en í gær og fyrradag: síðan tilkynnti hún að Ragnar Kjartansson yrði fulltrúi Íslands í sumarbyrjun 2009. Það er valnefnd skipuð þeim Rúrí, Christian Schoen og Hafþóri Yngvasyni sem ræður þessari tilskipan en hún naut ráðgjafar máttarstólpa í íslensku myndlistarlífi. Ragnar var að vonum ánægður, nýkominn frá Feneyjum þar sem hann leit á Tvíæringinn og skoðaði aðstæður. Hann sagði að nú væri hann bara í fegurðardrottningarfílingnum, hann vissi ekki hvað hann fengi af fjármagni til að hrinda hugmyndum sínum í framkvæmd, né heldur hvort enn yrði notast við höll hins bjarta Mikaels. Hann var reyndar mest í kossum og faðmlögum meðan blaðamaður reyndi að tala við hann. Viðbrögðin við sýningu Steingríms á alþjóðavettvangi vekja með ungum myndlistarmanni vonir um að hann nemi ný lönd: Steingrímur sýnir í haust á Max Protetch Galleríinu í New York og mun koma til álita sem þátttakandi í Manifesta og tvíæringnum í Berlín. Ragnar sér því leik á borði. Ragnar er fæddur 1976 í Reykjavík. Hann er sonur þeirra Guðrúnar Ásmundsdóttur, leikskálds, leikkonu og leikstjóra, og Kjartans Ragnarssonar, leikstjóra og leikskálds, og er alnafni afa síns, sem var mikill frumkvöðull í íslenskri myndlist. Ragnar byrjaði ungur að koma fram, var um árabil kórdrengur í Landakoti, en sneri sér síðan á námsárum að tónlistarflutningi í hinni geðþekku hljómsveit Kósý. Hann stundaði nám við Listaháskólann og hefur frá útskrift lagt sig eftir ýmsum listformum. Hann er þekktastur sem tónlistarmaður með hljómsveitum á borð við Trabant og Funerals, en hefur sem myndlistarmaður tekið þátt í fjölda samsýninga, sett upp installationir eða innsetningar, framið gerninga, unnið með myndbönd, olíu, teikningar, ljósmyndir og fleira. Hann er nýkominn frá New York þar sem hann var við gerninga og einkasýningu hans í Nýló er nýlega lokið. Hann vinnur nú við smíði á leikmynd fyrir sviðsetningu Benedikts Erlingssonar á leikverkinu Sólarferð í Þjóðleikhúsinu. Þátttaka íslenskra myndlistarmanna í Feneyjum var lengi stopul og áttu þeir sér ekki annað skjól en gestasali uns gamli finnski skálinn var laus. Íslenskir arkitektar hafa aldrei tekið þátt í Feneyjatvíæringnum sem haldinn er á móti myndlistartvíæringnum, né hefur Íslendingum tekist að komast á kvikmyndahátíðina með verkefni. Við eigum því marga sigra óunna á eyjunum undan Pó. Mest lesið Vala Grand gengin út Lífið Lil Curly og Brynja ekki lengur bara vinir Lífið Jökull í Kaleo í Glæstar vonir Bíó og sjónvarp Spjótin hætta ekki að beinast að Blake Lively Lífið Stórstjörnur og lúðrasveit í brúðkaupi Fanneyjar og Teits Lífið Segist standa með Helga Magnúsi gegn hótunum Lífið Brad Pitt stoppaði í hamborgara í Dalakofanum Lífið Fjögur börn og trúlofun hjá Evu Dögg Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Stjörnulífið: Stjörnubrúðkaup og Áslaug Arna í golfi Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Tilkynnt var í gær við hátíðlega athöfn í Listasafni Íslands sem Kynningarmiðstöð íslenskrar myndlistar stóð fyrir að Ragnar Kjartansson, myndlistarmaður með meiru, yrði fulltrúi Íslands á Tvíæringnum í Feneyjum 2009. Í þann mund sem athöfnin stóð yfir voru menn í óða önn að pakka saman í Feneyjum sýningu Steingríms Eyfjörð Kristmundssonar sem staðið hefur frá í vor og á fjórða tug þúsunda gesta sótti. Framkvæmdastjóri Kynningarmiðstöðvar, Christian Schoen, stýrði athöfninni í gær og flutti þakkarorð þeim mörgu sem lögðu sýningunni í Feneyjum lið í sumar, sýningarstjóranum Hönnu Styrmisdóttur, styrktaraðilum öllum og ráðuneytinu. Christian stóð að baki þeirri ákvörðun að draga sýningarhald Íslands að Stóra kanal, býsna langt frá aðalsýningarsvæðinu í austurhluta Feneyja þar sem sýningarhald tvíæringsins er jafnan. Var sýningu Steingríms komið fyrir í Palazzo Bianchi Michiel þar sem grunnhæðin gaf möguleika á talsvert góðu rými til sýningarhaldsins. Sýningin vakti talsverða athygli, fékk lofsamlega dóma í meðal annars Observer og Kunstforum international. Verður sýningin sett upp í heild í janúar hér í Listasafni Reykjavíkur en það kom að framkvæmdinni með tilleggi í hina myndarlegu sýningarskrá. Menntamálaráðherra lýsti vilja sínum til sóknar á þessum mikilvæga stað í hinum alþjóðlega myndlistarheimi. Það væri einlægur vilji sinn að gera betur en í gær og fyrradag: síðan tilkynnti hún að Ragnar Kjartansson yrði fulltrúi Íslands í sumarbyrjun 2009. Það er valnefnd skipuð þeim Rúrí, Christian Schoen og Hafþóri Yngvasyni sem ræður þessari tilskipan en hún naut ráðgjafar máttarstólpa í íslensku myndlistarlífi. Ragnar var að vonum ánægður, nýkominn frá Feneyjum þar sem hann leit á Tvíæringinn og skoðaði aðstæður. Hann sagði að nú væri hann bara í fegurðardrottningarfílingnum, hann vissi ekki hvað hann fengi af fjármagni til að hrinda hugmyndum sínum í framkvæmd, né heldur hvort enn yrði notast við höll hins bjarta Mikaels. Hann var reyndar mest í kossum og faðmlögum meðan blaðamaður reyndi að tala við hann. Viðbrögðin við sýningu Steingríms á alþjóðavettvangi vekja með ungum myndlistarmanni vonir um að hann nemi ný lönd: Steingrímur sýnir í haust á Max Protetch Galleríinu í New York og mun koma til álita sem þátttakandi í Manifesta og tvíæringnum í Berlín. Ragnar sér því leik á borði. Ragnar er fæddur 1976 í Reykjavík. Hann er sonur þeirra Guðrúnar Ásmundsdóttur, leikskálds, leikkonu og leikstjóra, og Kjartans Ragnarssonar, leikstjóra og leikskálds, og er alnafni afa síns, sem var mikill frumkvöðull í íslenskri myndlist. Ragnar byrjaði ungur að koma fram, var um árabil kórdrengur í Landakoti, en sneri sér síðan á námsárum að tónlistarflutningi í hinni geðþekku hljómsveit Kósý. Hann stundaði nám við Listaháskólann og hefur frá útskrift lagt sig eftir ýmsum listformum. Hann er þekktastur sem tónlistarmaður með hljómsveitum á borð við Trabant og Funerals, en hefur sem myndlistarmaður tekið þátt í fjölda samsýninga, sett upp installationir eða innsetningar, framið gerninga, unnið með myndbönd, olíu, teikningar, ljósmyndir og fleira. Hann er nýkominn frá New York þar sem hann var við gerninga og einkasýningu hans í Nýló er nýlega lokið. Hann vinnur nú við smíði á leikmynd fyrir sviðsetningu Benedikts Erlingssonar á leikverkinu Sólarferð í Þjóðleikhúsinu. Þátttaka íslenskra myndlistarmanna í Feneyjum var lengi stopul og áttu þeir sér ekki annað skjól en gestasali uns gamli finnski skálinn var laus. Íslenskir arkitektar hafa aldrei tekið þátt í Feneyjatvíæringnum sem haldinn er á móti myndlistartvíæringnum, né hefur Íslendingum tekist að komast á kvikmyndahátíðina með verkefni. Við eigum því marga sigra óunna á eyjunum undan Pó.
Mest lesið Vala Grand gengin út Lífið Lil Curly og Brynja ekki lengur bara vinir Lífið Jökull í Kaleo í Glæstar vonir Bíó og sjónvarp Spjótin hætta ekki að beinast að Blake Lively Lífið Stórstjörnur og lúðrasveit í brúðkaupi Fanneyjar og Teits Lífið Segist standa með Helga Magnúsi gegn hótunum Lífið Brad Pitt stoppaði í hamborgara í Dalakofanum Lífið Fjögur börn og trúlofun hjá Evu Dögg Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Stjörnulífið: Stjörnubrúðkaup og Áslaug Arna í golfi Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira