Tókst að slökkva eldinn hjá Hringrás

Slökkviliðinu á Akureyri tókst í nótt að ráða niðurlögum eldsins, sem kviknaði á athafnasvæði Hringrásar í útjaðri bæjarins í gærdag, eftir að tveir ungir strákar höfðu verið að fikta þar með eld.

Suðaustlæg átt var allan tímann þannig að reykinn lagði ekki yfir bæinn en hann barst hins vegar yfir nokkra sveitabæi í gærkvöldi og olli ábúendum og búpeningi óþægindum. Ekkert tjón varð á mannvirkjum en verðmæti í safnhaugnum sjálfum mun eitthvað hafa rýrnað.