Björgunarsveit aðstoðaði fiskibát í vanda

Tveir sjómenn á litlum fiskibáti lentu í vanda þegar sjór flæddi inn í vélarrúm bátsins með þeim afleiðingum að það drapst á vélinni en báturinn var staddur austur af Reyðarfirði á fimmta tímanum í morgun.

Þeir óskuðu eftir aðstoð og fóru björgunarmenn frá Neskaupsstað til móts við þá á björgunarskipinu Hafbjörgu og harðbotna hraðbáti og höfðu dælur meðferðis. Tókst þeim að dæla sjónum úr bátnum og þétta hann og að því búnu var báturinn dreginn til Eskifjarðar.