1350 þúsund söfnuðust í Stjörnugolfi Sýnar

Stjörnugolf Sýnar var haldið í fjórða sinn 20. júní sl. og fór mótið fram á Korpúlfsstaðavelli. Metþátttaka var í mótinu og söfnuðust 1.350 þúsund krónur, sem renna til Styrktarfélags krabbameinssjúkra barna. Þetta er einnig hæsta upphæð sem hefur safnast í Stjörnugolfi frá upphafi. Mótið verður haldið aftur að ári. Úrslit í mótinu voru sem hér segir:

1. sæti - Ferð með Icelandair til USA: Ragnar Þórhallson og Björn Jónsson frá Landsvirkjun.

2. sæti - Ferð með Icelandair til USA: Stefán Dagsson og Bjarni Magnússon frá IKEA.

3. sæti - Ferð með Icelandair til Evrópu: Ómar Halldórsson og Leó Hauksson frá Kaupþingi.

Auk þess voru veitt nándarverðlaun 6. og 16. holu og voru það Arnar Svansson frá Vífilfelli og Sólveig Jakobsdóttir sem unnu konfektkassa frá Nóa Siríus og vallarkort á velli GR.

Meðan á verðlaunaafhendingunni stóð fór fram uppboð á Nike-driver, SASQUACH, og var fyrst boð 15.000. Driverinn var á endanum sleginn á 35.000,- og rennur ágoðinn af uppboðinu til Styrktarfélags krabbameinssjúkra barna.

Ágúst Guðmundsson og Björgvin Vilhjálmsson, framkvæmdaraðilar mótsins, vilja þakka öllum þeim sem tóku þátt í mótinu fyrir þeirra framlag til málefnisins. Þeir vilja sérstaklega þakka Icelandair, Bónus, Actavis og Kaupþing sem eru styrktaraðilar Stjörnugolfs Sýnar.  Þáttur um mótið fer fram á sjónvarpsstöðinni Sýn þann 5 júlí.

Þetta kom fram á kylfingur.is í dag.