Iðnaðarframleiðsla á evrusvæðinu jókst um 1,2 prósent á milli mánaða í ágúst, samkvæmt upplýsingum Eurostat, hagstofu Evrópusambandsins. Þetta er langt umfram væntingar.
Greiningardeild Glitnis bendir á það í Morgunkorni sínu í da gað meðalspá greiningaraðila Reuters hafi hljóðað upp á 0,2 prósenta aukningu milli mánaða og að árshækkun myndi verða tvö prósent. Hún nemur hins vegar 4,2 prósentum á ársgrundvelli.
Nýbirtar tölur gefa til kynna að sviptingar á erlendum fjármálamörkuðum í ágúst hafi ekki hægt á hagvexti á evrusvæðinu að verulegu leyti líkt og óttast var, að sögn greiningardeildar Glitnis.
