McGrady sallaði 47 stigum á Jazz 2. nóvember 2007 04:48 Tracy McGrady lék sér að vörn Utah í nótt NordicPhotos/GettyImages Þrír leikir fóru fram í NBA deildinni í nótt. Tracy McGrady var maður kvöldsins þegar hann skoraði 47 stig í góðum útisigri Houston á Utah 106-95. Utah hafði betur í fyrsta leikhlutanum en McGrady hélt Houston inni í leiknum og sallaði stigunum á heimamenn. Houston náði þarna fram smá hefndum á Utah, sem hafði betur í einvígi liðanna í úrslitakeppninni í vor. Mike James skoraði 15 stig fyrir Houston og lék vel í sínum öðrum leik fyrir félagið. Houston hafði ekki unnið leik í Utah síðan vorið 2005, en þá skoraði McGrady einmitt 44 stig. "Þetta hefur nú ekki mikla þýðingu af því þetta er nú bara annar leikurinn á tímabilinu, en ég nýt mín vel með nýja þjálfarateyminu og það er gaman að spila undir stjórn þeirra," sagði McGrady stóískur eftir leikinn. Yao Ming var ekki jafn rólegur og sagði sigurinn hafa haft sérstaka þýðingu. "Þetta var leikur átta fyrir okkur," sagði hann og vísaði í tap Houston fyrir Utah í oddaleiknum í úrslitakeppninni síðasta vor. Carlos Boozer var öflugur í liði Utah með 30 stig og 16 fráköst og Deron Williams skoraði 18 stig og gaf 13 stoðsendingar, en liðið var fjarri sínu besta í leiknum. Liðið tapaði 20 boltum og hitti illa á vítalínunni. "Það voru allir að reyna að spila einn á einn og vinna leikinn þannig. Við erum bara ekki með einstaklinga sem geta unnið leiki á þann máta," sagði Jerry Sloan þjálfari Utah. Utah hafði 12 stiga forystu eftir fyrsta leikhlutann en þá var röðin komin að McGrady. Hann var maðurinn á bak við yfirburði Houston í öðrum og þriðja leikhluta og setti svo stóran þrist undir lokin þegar heimamenn gerðu sig líklega til að stela leiknum með því að minnka muninn í fimm stig. Varamenn Houston skoruðu 30 stig gegn aðeins 13 frá varamönnum Utah. Tayshaun Prince keyrir hér að Ricky Davis hjá Miami. Þeir tveir voru stigahæstu menn vallarins í nótt.NordicPhotos/GettyImages 14 töp í röð hjá Miami Detroit gerði góða ferð niður til Miami og vann 91-80 sigur. Tayshaun Prince setti persónulegt met þegar hann skoraði 34 stig fyrir Detroit og hirti auk þess 12 fráköst. Leikurinn var nokkuð jafn lengst af en gestirnir sigu framúr með góðri rispu í fjórða leikhlutanum. Rip Hamilton var ekki með liði Detroit af persónulegum ástæðum. Chauncey Billups skoraði 19 stig og gaf 11 stoðsendingar. Nýr liðsmaður Miami, Ricky Davis, var stigahæstur í liðinu með 23 stig í nótt, en Miami var án Dwyane Wade sem missir af fyrstu vikum tímabilsins vegna meiðsla. Shaquille O´Neal skoraði ekki stig í fyrri hálfleiknum og setti aðeins 9 stig úr 6 skotum í leiknum. Detroit tryggði sér sigurinn með 12-0 spretti í fjórða leikhlutanum þar sem svæðisvörn liðsins setti Miami út af laginu. Þetta var annað heimatap Miami í röð í opnunarleik, en á síðustu leiktíð fékk liðið eina verstu rassskellingu í sögu félagsins þegar það steinlá heima fyrir Chicago 108-66 í opnunarleiknum - kvöldið sem liðið fékk afhenta meistarahringana fyrir sigurinn í deildinni 2006. "Við gerðum ekkert annað en að taka stökkskot allan leikinn - allt of mikið af stökkskotum. Ég verð að fá fleiri en sex skot í leik ef við eigum að vinna - sérstaklega þangað til Dwyane kemur aftur," sagði fúll Shaquille O´Neal eftir leikinn. Penny Hardaway spilaði sinn fyrsta NBA leik í næstum tvö ár þegar hann spilaði 8 mínútur fyrir Miami. Hann náði ekki að skora í leiknum. Tapið í nótt var 14. tap Miami í röð í öllum keppnum. Liðið tapaði tveimur síðustu leikjunum í deildarkeppninni síðasta vor, fjórum í röð í fyrstu umferð úrslitakeppninnar, öllum sjö leikjunum á æfingatímabilinu á dögunum og svo opnunarleiknum í deildinni. Kevin Durant treður með tilþrifum gegn Phoenix í nótt. Nýliðinn átti ágætan leik þó það nægði liði hans Seattle ekki til sigurs.NordicPhotos/GettyImages Fínn leikur Durant dugði ekki gegn Phoenix Nýliðinn Kevin Durant fann sig vel í öðrum leik sínum í deildinni í nótt, en það dugði liði hans Seattle ekki til sigurs gegn Phoenix á heimavelli. Leikurinn var í járnum allt fram í fjórða leikhluta, en hann vann Phoenix 27-17 og kláraði leikinn 106-99. Kevin Durant var stigahæstur hjá Seattle með 27 stig og leit mun betur út en í fyrsta leiknum sínum gegn Denver í fyrrakvöld, þar sem hann virkaði mjög taugaóstyrkur. Chris Wilcox skoraði 23 stig og hirti 11 fráköst fyrir Seattle og voru þeir félagar í sérflokki í liðinu. Amare Stoudemire var atkvæðamestur í annars jöfnu liði Phoenix með 23 stig og 11 fráköst. Phoenix liðið virkaði dálítið ryðgað í opnunarleik sínum en þar á bæ er takmarkið í vetur mjög einfalt. "Við ætlum að vinna síðasta leikinn okkar næsta sumar," sagði Steve Nash og vísaði í meistarametnað liðsins. Nash skoraði 18 stig í leiknum í nótt, gaf 12 stoðsendingar og hirti 7 fráköst - en tapaði reyndar 7 af 19 boltum Phoenix liðsins í leiknum. Shawn Marion skoraði 14 stig og hirti 11 fráköst, Grant Hill skoraði 13 stig og varamaðurinn Marcus Banks var mjög drúgur á lokasprettinum þar sem hann skoraði 9 af 12 stigum sínum - þar af þrjá þrista í röð á mikilvægum spretti sem tryggði sigur liðsins. Amare Stoudemire þekkir vel hvernig er að koma nýr inn í deildina, en hann kom sjálfur beint úr menntaskóla og var kjörinn nýliði ársins á sínum tíma. Margir tippa á að Kevin Durant hjá Seattle hljóti þann heiður næsta vor og Stoudemire var ánægður með unga manninn. "Hann var mjög grimmur og skaut nokkuð vel. Hann á eftir að spjara sig vel í þessari deild. Ég er nokkuð hrifinn af leik hans," sagði Stoudemire, sem er óðum að jafna sig eftir tvo hnéuppskurði. Þetta var 41. opnunarleikurinn langri sögu Seattle Supersonics, en á föstudaginn verður væntanlega tilkynnt að liðið verði flutt frá borginni eftir að ekki náðist að semja um byggingu nýrrar byggingar undir liðið. Stuðningsmenn Seattle eru sárir yfir stöðu mála og hrópuðu "björgum Sonics" og héldu á skiltum sem sýndu tryggð þeirra við félagið. Búist er við því að eigandi liðsins flytji það til heimaborgar sinnar - Oklahoma - sem hýsti lið New Orleans Hornets með miklum ágætum eftir fellibylinn Katrínu. NBA Mest lesið „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn Uppgjörið: Vestri - KR 2-0 | Vestri dró Vesturbæinn niður í fallbaráttuna Íslenski boltinn Bein útsending: Motul torfæran Sport Salah sjóðheitur af stað að vanda Enski boltinn „Ansi mikið breytt“ með komu Slots Enski boltinn Íslendingar á Englandi: Jóhann Berg og Willum Þór á skotskónum Enski boltinn Havertz og Saka afgreiddu Úlfana Enski boltinn „Ekki gott að við séum með 43 leikmenn“ Enski boltinn Durán sökkti Hömrunum Enski boltinn Fleiri fréttir Cailtin Clark áritaði kornabarn Barkley gaf eftir hundrað milljónir til að halda tryggð við TNT Tróð yfir LeBron James og dreymir um að komast í NBA Kaupir hlut í PSG eftir sigur Bandaríkjanna í París Kallaði liðsfélaga sinn tík í beinni Ótrúleg tölfræði Nikola Jokic á Ólympíuleikunum Yfirburðir Bandaríkjanna halda áfram en tæpt var það „Þegar þú gerir ekkert í hópverkefninu en færð samt A“ Allt fallið í ljúfa löð hjá Bogdanovic og Melo Curry skaut Frakka í kaf í lokin Katarzyna Trzeciak til Grindavíkur Bandaríkin í úrslit eftir þægilegan sigur á Ástralíu Stjörnuleikur Curry bjargaði Bandaríkjamönnum Frakkar í úrslit eftir spennuleik Þóttist ekki skilja ensku til að losna við ruslatalið í Garnett Durant með falleg skilaboð til Leslie Bandaríkjamenn unnu stórsigur og mæta Serbum í undanúrslitum Serbar með sigur í framlengingu og gætu mætt Bandaríkjunum næst Draymond Green gagnrýnir eigin þjálfara Hneykslast á bandaríska körfuboltalandsliðinu Anthony Edwards í stuði í stórsigri Bandaríkjamanna Mikil ánægja með nýju styttuna af Kobe og Gigi Bryant Dóttir LeBrons dauðskammaðist sín fyrir dansspor pabba gamla Þýska vörnin skellti í lás og Schröder og Wagner drógu sóknarvagninn Þjálfar litla bróður á Egilsstöðum Spánverjar sitja eftir Giannis forðaði Grikkjum frá heimsendingu Stytta af Kobe og dóttur hans afhjúpuð á morgun Wembanyama mætti 57 sentímetra minni manni Fyrrum leikmaður Indiana State og DePaul samdi við Hött Sjá meira
Þrír leikir fóru fram í NBA deildinni í nótt. Tracy McGrady var maður kvöldsins þegar hann skoraði 47 stig í góðum útisigri Houston á Utah 106-95. Utah hafði betur í fyrsta leikhlutanum en McGrady hélt Houston inni í leiknum og sallaði stigunum á heimamenn. Houston náði þarna fram smá hefndum á Utah, sem hafði betur í einvígi liðanna í úrslitakeppninni í vor. Mike James skoraði 15 stig fyrir Houston og lék vel í sínum öðrum leik fyrir félagið. Houston hafði ekki unnið leik í Utah síðan vorið 2005, en þá skoraði McGrady einmitt 44 stig. "Þetta hefur nú ekki mikla þýðingu af því þetta er nú bara annar leikurinn á tímabilinu, en ég nýt mín vel með nýja þjálfarateyminu og það er gaman að spila undir stjórn þeirra," sagði McGrady stóískur eftir leikinn. Yao Ming var ekki jafn rólegur og sagði sigurinn hafa haft sérstaka þýðingu. "Þetta var leikur átta fyrir okkur," sagði hann og vísaði í tap Houston fyrir Utah í oddaleiknum í úrslitakeppninni síðasta vor. Carlos Boozer var öflugur í liði Utah með 30 stig og 16 fráköst og Deron Williams skoraði 18 stig og gaf 13 stoðsendingar, en liðið var fjarri sínu besta í leiknum. Liðið tapaði 20 boltum og hitti illa á vítalínunni. "Það voru allir að reyna að spila einn á einn og vinna leikinn þannig. Við erum bara ekki með einstaklinga sem geta unnið leiki á þann máta," sagði Jerry Sloan þjálfari Utah. Utah hafði 12 stiga forystu eftir fyrsta leikhlutann en þá var röðin komin að McGrady. Hann var maðurinn á bak við yfirburði Houston í öðrum og þriðja leikhluta og setti svo stóran þrist undir lokin þegar heimamenn gerðu sig líklega til að stela leiknum með því að minnka muninn í fimm stig. Varamenn Houston skoruðu 30 stig gegn aðeins 13 frá varamönnum Utah. Tayshaun Prince keyrir hér að Ricky Davis hjá Miami. Þeir tveir voru stigahæstu menn vallarins í nótt.NordicPhotos/GettyImages 14 töp í röð hjá Miami Detroit gerði góða ferð niður til Miami og vann 91-80 sigur. Tayshaun Prince setti persónulegt met þegar hann skoraði 34 stig fyrir Detroit og hirti auk þess 12 fráköst. Leikurinn var nokkuð jafn lengst af en gestirnir sigu framúr með góðri rispu í fjórða leikhlutanum. Rip Hamilton var ekki með liði Detroit af persónulegum ástæðum. Chauncey Billups skoraði 19 stig og gaf 11 stoðsendingar. Nýr liðsmaður Miami, Ricky Davis, var stigahæstur í liðinu með 23 stig í nótt, en Miami var án Dwyane Wade sem missir af fyrstu vikum tímabilsins vegna meiðsla. Shaquille O´Neal skoraði ekki stig í fyrri hálfleiknum og setti aðeins 9 stig úr 6 skotum í leiknum. Detroit tryggði sér sigurinn með 12-0 spretti í fjórða leikhlutanum þar sem svæðisvörn liðsins setti Miami út af laginu. Þetta var annað heimatap Miami í röð í opnunarleik, en á síðustu leiktíð fékk liðið eina verstu rassskellingu í sögu félagsins þegar það steinlá heima fyrir Chicago 108-66 í opnunarleiknum - kvöldið sem liðið fékk afhenta meistarahringana fyrir sigurinn í deildinni 2006. "Við gerðum ekkert annað en að taka stökkskot allan leikinn - allt of mikið af stökkskotum. Ég verð að fá fleiri en sex skot í leik ef við eigum að vinna - sérstaklega þangað til Dwyane kemur aftur," sagði fúll Shaquille O´Neal eftir leikinn. Penny Hardaway spilaði sinn fyrsta NBA leik í næstum tvö ár þegar hann spilaði 8 mínútur fyrir Miami. Hann náði ekki að skora í leiknum. Tapið í nótt var 14. tap Miami í röð í öllum keppnum. Liðið tapaði tveimur síðustu leikjunum í deildarkeppninni síðasta vor, fjórum í röð í fyrstu umferð úrslitakeppninnar, öllum sjö leikjunum á æfingatímabilinu á dögunum og svo opnunarleiknum í deildinni. Kevin Durant treður með tilþrifum gegn Phoenix í nótt. Nýliðinn átti ágætan leik þó það nægði liði hans Seattle ekki til sigurs.NordicPhotos/GettyImages Fínn leikur Durant dugði ekki gegn Phoenix Nýliðinn Kevin Durant fann sig vel í öðrum leik sínum í deildinni í nótt, en það dugði liði hans Seattle ekki til sigurs gegn Phoenix á heimavelli. Leikurinn var í járnum allt fram í fjórða leikhluta, en hann vann Phoenix 27-17 og kláraði leikinn 106-99. Kevin Durant var stigahæstur hjá Seattle með 27 stig og leit mun betur út en í fyrsta leiknum sínum gegn Denver í fyrrakvöld, þar sem hann virkaði mjög taugaóstyrkur. Chris Wilcox skoraði 23 stig og hirti 11 fráköst fyrir Seattle og voru þeir félagar í sérflokki í liðinu. Amare Stoudemire var atkvæðamestur í annars jöfnu liði Phoenix með 23 stig og 11 fráköst. Phoenix liðið virkaði dálítið ryðgað í opnunarleik sínum en þar á bæ er takmarkið í vetur mjög einfalt. "Við ætlum að vinna síðasta leikinn okkar næsta sumar," sagði Steve Nash og vísaði í meistarametnað liðsins. Nash skoraði 18 stig í leiknum í nótt, gaf 12 stoðsendingar og hirti 7 fráköst - en tapaði reyndar 7 af 19 boltum Phoenix liðsins í leiknum. Shawn Marion skoraði 14 stig og hirti 11 fráköst, Grant Hill skoraði 13 stig og varamaðurinn Marcus Banks var mjög drúgur á lokasprettinum þar sem hann skoraði 9 af 12 stigum sínum - þar af þrjá þrista í röð á mikilvægum spretti sem tryggði sigur liðsins. Amare Stoudemire þekkir vel hvernig er að koma nýr inn í deildina, en hann kom sjálfur beint úr menntaskóla og var kjörinn nýliði ársins á sínum tíma. Margir tippa á að Kevin Durant hjá Seattle hljóti þann heiður næsta vor og Stoudemire var ánægður með unga manninn. "Hann var mjög grimmur og skaut nokkuð vel. Hann á eftir að spjara sig vel í þessari deild. Ég er nokkuð hrifinn af leik hans," sagði Stoudemire, sem er óðum að jafna sig eftir tvo hnéuppskurði. Þetta var 41. opnunarleikurinn langri sögu Seattle Supersonics, en á föstudaginn verður væntanlega tilkynnt að liðið verði flutt frá borginni eftir að ekki náðist að semja um byggingu nýrrar byggingar undir liðið. Stuðningsmenn Seattle eru sárir yfir stöðu mála og hrópuðu "björgum Sonics" og héldu á skiltum sem sýndu tryggð þeirra við félagið. Búist er við því að eigandi liðsins flytji það til heimaborgar sinnar - Oklahoma - sem hýsti lið New Orleans Hornets með miklum ágætum eftir fellibylinn Katrínu.
NBA Mest lesið „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn Uppgjörið: Vestri - KR 2-0 | Vestri dró Vesturbæinn niður í fallbaráttuna Íslenski boltinn Bein útsending: Motul torfæran Sport Salah sjóðheitur af stað að vanda Enski boltinn „Ansi mikið breytt“ með komu Slots Enski boltinn Íslendingar á Englandi: Jóhann Berg og Willum Þór á skotskónum Enski boltinn Havertz og Saka afgreiddu Úlfana Enski boltinn „Ekki gott að við séum með 43 leikmenn“ Enski boltinn Durán sökkti Hömrunum Enski boltinn Fleiri fréttir Cailtin Clark áritaði kornabarn Barkley gaf eftir hundrað milljónir til að halda tryggð við TNT Tróð yfir LeBron James og dreymir um að komast í NBA Kaupir hlut í PSG eftir sigur Bandaríkjanna í París Kallaði liðsfélaga sinn tík í beinni Ótrúleg tölfræði Nikola Jokic á Ólympíuleikunum Yfirburðir Bandaríkjanna halda áfram en tæpt var það „Þegar þú gerir ekkert í hópverkefninu en færð samt A“ Allt fallið í ljúfa löð hjá Bogdanovic og Melo Curry skaut Frakka í kaf í lokin Katarzyna Trzeciak til Grindavíkur Bandaríkin í úrslit eftir þægilegan sigur á Ástralíu Stjörnuleikur Curry bjargaði Bandaríkjamönnum Frakkar í úrslit eftir spennuleik Þóttist ekki skilja ensku til að losna við ruslatalið í Garnett Durant með falleg skilaboð til Leslie Bandaríkjamenn unnu stórsigur og mæta Serbum í undanúrslitum Serbar með sigur í framlengingu og gætu mætt Bandaríkjunum næst Draymond Green gagnrýnir eigin þjálfara Hneykslast á bandaríska körfuboltalandsliðinu Anthony Edwards í stuði í stórsigri Bandaríkjamanna Mikil ánægja með nýju styttuna af Kobe og Gigi Bryant Dóttir LeBrons dauðskammaðist sín fyrir dansspor pabba gamla Þýska vörnin skellti í lás og Schröder og Wagner drógu sóknarvagninn Þjálfar litla bróður á Egilsstöðum Spánverjar sitja eftir Giannis forðaði Grikkjum frá heimsendingu Stytta af Kobe og dóttur hans afhjúpuð á morgun Wembanyama mætti 57 sentímetra minni manni Fyrrum leikmaður Indiana State og DePaul samdi við Hött Sjá meira