Handtekinn fyrir að lokka smástúlkur inn í rjóður

Lögreglan í Reykjavík handtók karlmann á fimmtugsaldri snemma í gærkvöldi, eftir að hann hafði lokkað tvær litlar telpur inn í rjóður við Fjölbrautarskólann í Breiðholti. Hann notaði hamstra til að lokka stúlkurnar inn í rjóðrið, en ekki liggur fyrir hvort hann hafði uppi einhverja kynferðislega tilburði.

Vitni lét lögreglu vita af atburðinum og gistir maðurinn nú fangageymslur, en stúlkunum var komið til síns heima. Málið verður rannsakað nánar í dag.