Íslensk tónlist undir smásjá erlendra stórfyrirtækja 19. október 2008 08:00 Lay Low hefur hrifið aðila úr erlendu tónlistarlífi upp úr skónum með framgöngu sinni að undanförnu. MYND/Arnþór Tónlistarkonan Lay Low stefnir hraðbyri í að verða næsta stjarna Íslands á alþjóðavísu því að minnsta kosti tveir áhrifamiklir erlendir aðilar hafa sýnt mikinn áhuga á hennar verkum. Báðir héldu þeir fyrirlestra á hinni vel heppnuðu ráðstefnu You Are In Control sem var haldin á Hótel Sögu fyrir skömmu. Fyrst ber að nefna Terry McBride, sem er einn þriggja stofnenda Nettwerk Music Group, eins stærsta umboðs- og útgáfufyrirtækis heimsins. Er það með bækistöðvar í Vancouver, New York, London og víðar og á meðal skjólstæðinga þess eru engir aukvisar, eða stjörnur á borð við Avril Lavigne, Dido, All Saints og Jamiroquai. „Hann átti fund með Kára [Sturlusyni, umboðsmanni Lay Low] og fór á tónleikana í Fríkirkjunni og sagði að honum hafi líkað mjög vel það sem hann heyrði," segir Anna Hildur Hildibrandsdóttir hjá Útón sem skipulagði ráðstefnuna. Á hún þar við útgáfutónleika í tilefni annarrar sólóplötu hennar, Farewell Good Night's Sleep, sem þykir afar vel heppnuð. „Hvort sem það verða samningar eða ekki þá skiptir máli ef menn sem hafa svona áhrif sýna íslensku tónlistarfólki áhuga." Að sögn Önnu Hildar lýsti Jean Hsiao Wernheim, framkvæmdastjóri hjá Shanghai Synergy Group, sem er eitt stærsta afþreyingarfyrirtæki Kína, einnig yfir áhuga á að semja við Lay Low. Hljómsveitirnar For A Minor Reflection og Dr. Spock vöktu einnig sérstaka athygli hjá háttsettri konu sem hefur umsjón með því að velja tónlist í erlendar kvikmyndir. „Hún hefur í huga lag með Dr. Spock sem hún heyrði með þeim á Prikinu sem getur víst passað fullkomlega í eina kvikmynd," segir Anna Hildur, sem taldi að um mynd hjá einu af stórfyrirtækjunum í Hollywood væri að ræða. Fyrir utan áhugann á Lay Low, For A Minor Reflection og Dr. Spock er vitað af áhuga erlendra aðila á fleiri íslenskum böndum sem spila á Airwaves-hátíðinni. Að sögn Árna Einars Birgissonar hjá Hr. Örlygi eru Retro Stefson, Reykjavík! og Hjaltalín þar mest í umræðunni. Einnig játaði Árni að For A Minor Reflection hafi fengið aukna athygli hjá útlendingum eftir að hafa verið valin til að hita upp fyrir Sigur Rós, sem þykja aldeilis ekki slæm meðmæli úti í hinum stóra heimi. Haukur S. Magnússon hjá Reykjavík! kannaðist ekki við að erlendir umboðsmenn hafi rætt við sig, nema kannski aðilar frá Rússlandi. „Okkur hafa verið sendir samningar frá Rússlandi og menn eru að bjóðast til að gefa okkur út þar," segir Haukur. „Nema hvað að við skiljum ekki rússnesku og erum hálffeimnir við þetta. Það kannski gerist einhvern tímann þegar Medvedev verður orðinn forseti Íslands." Hann segir áhuga útlendinga á íslenskum hljómsveitum ekki koma sér á óvart. „Þessi sena hefur yfirhöfuð verið að dafna og þroskast og við getum verið rosalega stolt og ánægð með hvað við eigum góð bönd." Mest lesið María Thelma og Steinar Thors héldu brúðkaup ársins Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist „Ég myndi aldrei fara í samband með einhverjum fávita“ Lífið Bar fyrir sig að hafa eitt sinn verið í strákabandi Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir „Hugleikið hver fær að stunda kynlíf og hver ekki“ „Þetta er saga af villigötum“ „Enginn að fara að hringja í mig að fyrra bragði“ Kemur frá Sýrlandi og syngur á íslensku Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira
Tónlistarkonan Lay Low stefnir hraðbyri í að verða næsta stjarna Íslands á alþjóðavísu því að minnsta kosti tveir áhrifamiklir erlendir aðilar hafa sýnt mikinn áhuga á hennar verkum. Báðir héldu þeir fyrirlestra á hinni vel heppnuðu ráðstefnu You Are In Control sem var haldin á Hótel Sögu fyrir skömmu. Fyrst ber að nefna Terry McBride, sem er einn þriggja stofnenda Nettwerk Music Group, eins stærsta umboðs- og útgáfufyrirtækis heimsins. Er það með bækistöðvar í Vancouver, New York, London og víðar og á meðal skjólstæðinga þess eru engir aukvisar, eða stjörnur á borð við Avril Lavigne, Dido, All Saints og Jamiroquai. „Hann átti fund með Kára [Sturlusyni, umboðsmanni Lay Low] og fór á tónleikana í Fríkirkjunni og sagði að honum hafi líkað mjög vel það sem hann heyrði," segir Anna Hildur Hildibrandsdóttir hjá Útón sem skipulagði ráðstefnuna. Á hún þar við útgáfutónleika í tilefni annarrar sólóplötu hennar, Farewell Good Night's Sleep, sem þykir afar vel heppnuð. „Hvort sem það verða samningar eða ekki þá skiptir máli ef menn sem hafa svona áhrif sýna íslensku tónlistarfólki áhuga." Að sögn Önnu Hildar lýsti Jean Hsiao Wernheim, framkvæmdastjóri hjá Shanghai Synergy Group, sem er eitt stærsta afþreyingarfyrirtæki Kína, einnig yfir áhuga á að semja við Lay Low. Hljómsveitirnar For A Minor Reflection og Dr. Spock vöktu einnig sérstaka athygli hjá háttsettri konu sem hefur umsjón með því að velja tónlist í erlendar kvikmyndir. „Hún hefur í huga lag með Dr. Spock sem hún heyrði með þeim á Prikinu sem getur víst passað fullkomlega í eina kvikmynd," segir Anna Hildur, sem taldi að um mynd hjá einu af stórfyrirtækjunum í Hollywood væri að ræða. Fyrir utan áhugann á Lay Low, For A Minor Reflection og Dr. Spock er vitað af áhuga erlendra aðila á fleiri íslenskum böndum sem spila á Airwaves-hátíðinni. Að sögn Árna Einars Birgissonar hjá Hr. Örlygi eru Retro Stefson, Reykjavík! og Hjaltalín þar mest í umræðunni. Einnig játaði Árni að For A Minor Reflection hafi fengið aukna athygli hjá útlendingum eftir að hafa verið valin til að hita upp fyrir Sigur Rós, sem þykja aldeilis ekki slæm meðmæli úti í hinum stóra heimi. Haukur S. Magnússon hjá Reykjavík! kannaðist ekki við að erlendir umboðsmenn hafi rætt við sig, nema kannski aðilar frá Rússlandi. „Okkur hafa verið sendir samningar frá Rússlandi og menn eru að bjóðast til að gefa okkur út þar," segir Haukur. „Nema hvað að við skiljum ekki rússnesku og erum hálffeimnir við þetta. Það kannski gerist einhvern tímann þegar Medvedev verður orðinn forseti Íslands." Hann segir áhuga útlendinga á íslenskum hljómsveitum ekki koma sér á óvart. „Þessi sena hefur yfirhöfuð verið að dafna og þroskast og við getum verið rosalega stolt og ánægð með hvað við eigum góð bönd."
Mest lesið María Thelma og Steinar Thors héldu brúðkaup ársins Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist „Ég myndi aldrei fara í samband með einhverjum fávita“ Lífið Bar fyrir sig að hafa eitt sinn verið í strákabandi Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir „Hugleikið hver fær að stunda kynlíf og hver ekki“ „Þetta er saga af villigötum“ „Enginn að fara að hringja í mig að fyrra bragði“ Kemur frá Sýrlandi og syngur á íslensku Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira