Fjörutíu og einum farþega með danska flugfélaginu Cimber Air var boðin áfallahjálp eftir að flugvél þeirra nauðlenti á Kastrup flugvelli í dag.
Vélin var lítil farþegaþota af gerðinni CRJ 200. Tætlur úr dekki hennar fundust á flugbrautinni eftir flugtak frá Kastrup til Tampere í Finnlandi.
Vélinni var þá snúið aftur til lendingar á Kastrup. Lendingin gekk að óskum
. Farþegunum hafði hinsvegar verið sagt að setja sig í stellingar fyrir nauðlendingu og urðu margir þeirra hræddir.
Því var þeim boðin áfallahjálp eftir lendinguna.
