Hamilton: Eins og að vera á knattspyrnuleik

Lewis Hamilton var að vonum ánægður með að ná ráspól í þýska kappakstrinum þegar hann náði besta tímanum í tímatökunum í dag. Hann segir stemminguna á Hockenheim frábæra.

"Það er frábært að koma til Þýskalands. Hérna hef ég átt fínar keppnir og ég finn mig vel bæði hér og á Nurburgring. Það er eins og að vera á knattspyrnuleik þegar maður ekur út á meðal áhorfenda og stuðningurinn sem ég fæ hérna er mér mikils virði," sagði Bretinn ungi.