Hamilton fljótastur í Þýskalandi

Lewis Hamilton hjá McLaren náði besta tímanum á fyrstu æfingunum fyrir Þýskalandskappaksturinn á Hockenheim í morgun. Hamilton ók hringinn á 1 mínútu og 15,537 sekúndum og var 0,129 sekúndum á undan félaga sínum Heikki Kovalainen í rigningunni.

Ferrari-mennirnir Felipe Massa og Kimi Raikkönen náðu fjórða og fimmta besta tímanum, en Fernando Alonso náði þriðja besta tímanum. Robert Kubica hjá BMW lenti í óhappi og þurfti að hætta.