Bréf hækka á Asíumörkuðum

Hlutabréf á Asíumörkuðum hækkuðu í verði í morgun, meðal annars í kjölfar frétta af sameiningu ýmissa fyrirtækja.

Til dæmis hækkuðu bréf japanska tryggingafyrirtækisins Mitsui Sumitomo um tæplega átta prósentustig þegar út spurðist að það hygðist sameinast tveimur keppinautum sínum. Bloomberg hefur það eftir greiningaraðila í Tókýó að nú sé svo komið að mörgum fyrirtækjum sé nauðugur einn kostur að sameinast ætli þau að lifa af.