Berbatov í viðræðum við Manchester United

Dimitar Berbatov er í þessum skrifuðu orðum í viðræðum við Sir Alex Ferguson, knattspyrnustjóra Manchester United. Þetta er samkvæmt heimildum Sky fréttastofunnar.

Manchester City blandaði sér í dag óvænt í baráttuna um þennan búlgarska sóknarmann Tottenham. Hinsvegar er enn talið að United leiði kapphlaupið um leikmanninn.

Einnig hefur verið talað um að Real Madrid ætli að reyna að krækja í leikmanninn á lokasprettinum en það hefur ekki fengist staðfest.