Lampard eyddi jólunum með gömlu kærustunni

Frank Lampard og barnsmóðir hans, Elen Rivas, sömdu frið um jólin svo dætur þeirra gætu eytt jólunum með foreldrum sínum. Rivas samþykkti að koma á heimili faðir Lampards gegn því að núverandi unnusta Lampards, sjónvarpskonan Christine Bleakley, væri fjarverandi. Lampard gekkst við því.

Lampard og Rivas voru saman í sjö ár. Skilnaður þeirra var ljótur og fór að nokkru leyti fram í fjölmiðlum þar sem þau fengu útrás fyrir tilfinningar sínar. Lampard hafði þá verið staðinn að framhjáhaldi í tvígang.

Rivas hafði vonast til þess að ná aftur saman við Lampard og það særði hana er Lampard tók að hitta Bleakley á laun í október síðastliðnum.

Jólin fóru þó vel fram og börnin eru sögð hafa brosað út af eyrum að hafa báða foreldra sína hjá sér.