Gengi hlutabréfa Bakkavarar féll um 6,09 prósent á hlutabréfamarkaði í Kauphöllinni í dag. Á sama tíma lækkaði gengi bréfa Marel Food System sum 0,92 prósent og Færeyjabanka um 0,41 prósent.
Gengi hlutabréfa Century Aluminum, móðurfélags Norðuráls, rauk upp um 7,72 prósent og gengi bréfa stoðtækjafyrirtækisins Össurar hækkaði um 2,74 prósent.
Gamla Úrvalsvísitalan lækkaði um 0,85 prósent og endaði hún í 269 stigum í lok dags.
