Breska hagkerfið dróst saman um 1,9 prósent á fyrsta fjórungi ársins, samkvæmt gögnum bresku hagstofunnar. Niðurstaðan er 0,4 prósentustigum svartari en spáð var. Til samanburðar nam samdrátturinn 1,6 prósentum á síðasta fjórðungi í fyrra.
Þetta er þriðji fjórðungurinn sem samdráttar gætir í Bretlandi. Breska ríkisútvarpið (BBC) segir ljóst að landið glími enn við djúpa efnahagslægð. Harla óvíst sé hvort spá Alistair Darlings fjármálaráðherra frá á miðvikudag, um 3,5 prósenta efnahagssamdrátt á árinu, muni ganga eftir.- jab
