Goodwin á von á meiri hremmingum 25. mars 2009 21:03 Ráðist var á heimili Freds Goodwin, fyrrverandi forstjóra Royal Bank of Scotland. Hópur sem segist standa að baki árás á heimili fyrrverandi forstjóra Royal Bank of Scotland í Edinborg í nótt segir það bara byrjunina. Hann og aðrir stjórnendur breskra banka í kröggum hafi skammtað sér fé og lifi í munaði meðan venjulegt fólk þjáist og eigi því að fara í steininn. Skemmdarverk voru unnin á heimili Freds Goodwin, fyrrverandi forstjóra Royal Bank of Scotland, í Edinborg í nótt. Rúður voru brotnar í húsinu og Mercedes bifreið fyrir utan dælduð og rúður í henni brotnar. Goodwin og fjölskylda hans voru ekki í húsinu og hafa ekki verið þar um nokkurt skeið að sögn nágranna sem Sky fréttastofan ræddi við. Fred Goodwin lét af störfum í haust þegar ljóst var að bankinn færi á hausinn án ríkisaðstoðar. Breska ríkið á nú um sjötíu prósenta hlut í bankanum. Í síðasta mánuði var tilkynnt að tap bankans í fyrra hefði verið ríflega 24 milljarðar punda, rúmlega fjögur þúsund milljarðar króna, sem er met í Bretlandi. Goodwin samdi um starfslok og gerir samningurinn ráð fyrir árlegri sjö hundruð þúsund punda greiðslu í lífeyrir sem jafngildir rúmum hundrað og sautján milljónum króna. Breskur almenningur og stjórnmálamenn, þar á meðal Gordon Brown forsætisráðherra, hafa krafist þess að Goodwin semji upp á nýtt um lægri greiðslu í ljósi tapsins. Goodwin hefur neitað því þó greiðslurnar hafi verið sagðar ósiðlegar. Nú hefur hópur sem gengur undir nafninu „Bankastjórar eru bófar" sent tölvupóst til kvöldblaðs í Edinborg og lýst skemmdarverkunum á hendur sér. Þar segir að liðsmenn hópsins séu reiðir vegna þess að fólk eins og Goodwin hafi skammtað sér fé ótæpilega og búi við munað meðan venjulegt fólk missi vinnuna og sé orðið bjargar- og heimilislaust. Þetta sé glæpur og það eigi að setja stjórnendur bankanna í steininn. Árásin á heimili Goodwins sé bara byrjunin. Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Google leiðin: Fjögur atvinnuviðtöl yfirdrifið nóg Atvinnulíf Verðstríð að hefjast á matvörumarkaði Neytendur Seðlabankinn hafi ekki önnur úrræði en að lækka vexti Viðskipti innlent Susan Wojcicki er látin Viðskipti erlent Staðreyndum snúið á hvolf til að eigna ríkisstjórninni verðbólguna Viðskipti innlent Telja minni líkur á samdrætti í ferðaþjónustu með aukinni kortaveltu Viðskipti innlent Ummæli Trump vekja áhyggjur af sjálfstæði seðlabanka Viðskipti erlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Hópur sem segist standa að baki árás á heimili fyrrverandi forstjóra Royal Bank of Scotland í Edinborg í nótt segir það bara byrjunina. Hann og aðrir stjórnendur breskra banka í kröggum hafi skammtað sér fé og lifi í munaði meðan venjulegt fólk þjáist og eigi því að fara í steininn. Skemmdarverk voru unnin á heimili Freds Goodwin, fyrrverandi forstjóra Royal Bank of Scotland, í Edinborg í nótt. Rúður voru brotnar í húsinu og Mercedes bifreið fyrir utan dælduð og rúður í henni brotnar. Goodwin og fjölskylda hans voru ekki í húsinu og hafa ekki verið þar um nokkurt skeið að sögn nágranna sem Sky fréttastofan ræddi við. Fred Goodwin lét af störfum í haust þegar ljóst var að bankinn færi á hausinn án ríkisaðstoðar. Breska ríkið á nú um sjötíu prósenta hlut í bankanum. Í síðasta mánuði var tilkynnt að tap bankans í fyrra hefði verið ríflega 24 milljarðar punda, rúmlega fjögur þúsund milljarðar króna, sem er met í Bretlandi. Goodwin samdi um starfslok og gerir samningurinn ráð fyrir árlegri sjö hundruð þúsund punda greiðslu í lífeyrir sem jafngildir rúmum hundrað og sautján milljónum króna. Breskur almenningur og stjórnmálamenn, þar á meðal Gordon Brown forsætisráðherra, hafa krafist þess að Goodwin semji upp á nýtt um lægri greiðslu í ljósi tapsins. Goodwin hefur neitað því þó greiðslurnar hafi verið sagðar ósiðlegar. Nú hefur hópur sem gengur undir nafninu „Bankastjórar eru bófar" sent tölvupóst til kvöldblaðs í Edinborg og lýst skemmdarverkunum á hendur sér. Þar segir að liðsmenn hópsins séu reiðir vegna þess að fólk eins og Goodwin hafi skammtað sér fé ótæpilega og búi við munað meðan venjulegt fólk missi vinnuna og sé orðið bjargar- og heimilislaust. Þetta sé glæpur og það eigi að setja stjórnendur bankanna í steininn. Árásin á heimili Goodwins sé bara byrjunin.
Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Google leiðin: Fjögur atvinnuviðtöl yfirdrifið nóg Atvinnulíf Verðstríð að hefjast á matvörumarkaði Neytendur Seðlabankinn hafi ekki önnur úrræði en að lækka vexti Viðskipti innlent Susan Wojcicki er látin Viðskipti erlent Staðreyndum snúið á hvolf til að eigna ríkisstjórninni verðbólguna Viðskipti innlent Telja minni líkur á samdrætti í ferðaþjónustu með aukinni kortaveltu Viðskipti innlent Ummæli Trump vekja áhyggjur af sjálfstæði seðlabanka Viðskipti erlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira