Streituvekjandi að eiga barn með ADHD Jón Hákon Halldórsson skrifar 19. desember 2010 14:51 Það veldur streitu á heimilinu að eiga barn með ADHD. Þessi mynd er úr safni. Vísbendingar eru um að foreldrar sem eiga barn sem glímir við athyglisbrest með ofvirkni, eða ADHD, virðast frekar upplifa streitu og álag í tengslum við fjölskyldu sína en foreldrar barna sem ekki eru með ADHD og virðast almennt líða verr í foreldrahlutverkinu. Þetta sýna niðurstöður nýrrar rannsóknar sem þær Sigrún Arnardóttir og Z. Gabríela Sigurðardóttir gerðu og birtist í nýjasta hefti Sálfræðiritsins sem kom út fyrir helgi. Niðurstöður rannsóknarinnar benda líka til þess að foreldrar barna með ADHD virðast einnig hafa neikvæðara viðhorf til fjölskyldu sinnar og glíma frekar við geðrænar raskanir af einhverju tagi en foreldrar barna sem ekki eru með ADHD. Þeir telja sig jafnframt vera undir meira álagi í starfi sínu og verða fyrir meiri truflun við starf sitt en foreldrar annarra barna og er streitan rakin til veikinda barnsins. Minni tími fyrir makann Rannsakendur segja að niðurstöður bendi til þess að mikill munur virðist vera á uppeldi og umönnun barna með ADHD samanborið við önnur börn. Álag og streita virðist einkenna uppeldi þessara barna að miklu leyti. Þetta hafi áhrif á marga þætti sem varða lífsgæði foreldra þeirra. Líklega sé um marga samverkandi þætti að ræða sem valdi því að foreldrar barna með ADHD búi við lakari lífsgæði og verri líðan. Til að mynda að meiri orka fari í daglegt amstur hjá þeim samanborið við aðra foreldra og þeir séu almennt undir miklu álagi. Það geti leitt til þess að þeir hafi þá minni tíma aflögu til að efla samband sitt við maka og jafnframt minni tíma fyrir systkini barnsins með ADHD, sem auki þá líkur á samskiptaerfiðleikum þeirra á milli og neikvæðu viðhorfi til fjölskyldunnar. Einnig benda niðurstöður rannsóknarinnar til þess að foreldrar barna með ADHD hafi áhyggjur af börnum sínum sem tengjast framtíð þeirra og hafi mun meiri áhyggjur en foreldrar barna sem eru ekki með ADHD. Rannsakendur segja að í ljósi þess hve alvarlegar afleiðingar hegðun ofvirkra barna geti haft, hversu tíðar fylgiraskanir geti verið og erfiðleikar í kjölfar þeirra miklir, séu áhyggjur foreldra vel skiljanlegar. Þyrfti víðtækari rannsókn Rannsóknin var gerð á meðal foreldra sem aðild eiga að ADHD samtökunum og fengu þau senda spurningalista árið 2006. Flestir, eða um 80% þeirra sem tóku þátt í rannsókninni, voru mæður. Alls tóku 281 einstaklingur þátt í rannsókninni. Rannsakendur segja það ágalla á rannsókninni að hún einskorðist við félaga í samtökunum. Ekki sé vitað hvort svör foreldra barna með ADHD sem ekki eru meðlimir í samtökunum yrðu sambærileg þeim sem eru félagar nú þegar. Mest lesið Sat yfir líki í fjóra sólarhringa Fréttir Opinn en mannlaus veitingastaður Innlent Kosningavaktin: Íslendingar ganga að kjörborðinu Innlent Vígahópum vex ásmegin: Stór hluti Sahelsvæðisins í hættu Erlent Enn að átta sig á breyttri stöðu eftir tapið fyrir Þórdísi Innlent Sé líklega met að vera hafnað af flokki sínum tvisvar í sama mánuði Innlent Fethullah Gülen er látinn Erlent Fimm þingmenn Sjálfstæðisflokk á útleið Innlent Húsnæði Stuðla ráði ekki við málaflokkinn og úrbætur gengið hægt Innlent Segist ekki hafa verið beitt þrýstingi Innlent Fleiri fréttir Enn að átta sig á breyttri stöðu eftir tapið fyrir Þórdísi Mun ræða við formenn flokkanna um fjárlögin Dagmar Ýr tekur við stöðu sveitarstjóra af Birni Grindavíkurbær nú opinn almenningi Opinn en mannlaus veitingastaður Fimm þingmenn Sjálfstæðisflokk á útleið Húsnæði Stuðla ráði ekki við málaflokkinn og úrbætur gengið hægt Sé líklega met að vera hafnað af flokki sínum tvisvar í sama mánuði Segist ekki hafa verið beitt þrýstingi Þau skipa framboðslista Sjálfstæðismanna í Norðausturkjördæmi Fjallið hafi verið hátt og ekki tekist að klífa það „Ég lagði allt undir“ Ásmundur og Ólöf ræða stöðuna á Stuðlum og framboðslistar Sjálfstæðisflokksins Þau skipa framboðslista Sjálfstæðismanna í Norðvesturkjördæmi Þau taka þátt í prófkjöri Pírata Bryndís Haraldsdóttir tekur þriðja sætið Samþykktu framboðslista Sjálfstæðismanna í Suðurkjördæmi Græningjar vilja fara fram í öllum kjördæmum Jens í fyrsta og Njáll Trausti í öðru Bjarkey gefur ekki kost á sér Þórdís Kolbrún bar sigur úr býtum í Kraganum Björn hafði betur gegn Teiti Sanna leiðir lista Sósíalistaflokks í Reykjavík suður Ingveldur skákaði tveimur sitjandi þingmönnum Guðrún oddviti og Vilhjálmur í öðru sæti í Suðurkjördæmi Miðbær með skautasvelli byggður í Þorlákshöfn Teitur dregur oddvitaframboðið til baka Flutningurinn góður fyrir Framsókn en slæmur fyrir Sjálfstæðisflokk Biðla til fólks að sýna virðingu í nýopnaðri Grindavík Gerðu allt klárt fyrir Stuðlahópinn á örfáum klukkustundum Sjá meira
Vísbendingar eru um að foreldrar sem eiga barn sem glímir við athyglisbrest með ofvirkni, eða ADHD, virðast frekar upplifa streitu og álag í tengslum við fjölskyldu sína en foreldrar barna sem ekki eru með ADHD og virðast almennt líða verr í foreldrahlutverkinu. Þetta sýna niðurstöður nýrrar rannsóknar sem þær Sigrún Arnardóttir og Z. Gabríela Sigurðardóttir gerðu og birtist í nýjasta hefti Sálfræðiritsins sem kom út fyrir helgi. Niðurstöður rannsóknarinnar benda líka til þess að foreldrar barna með ADHD virðast einnig hafa neikvæðara viðhorf til fjölskyldu sinnar og glíma frekar við geðrænar raskanir af einhverju tagi en foreldrar barna sem ekki eru með ADHD. Þeir telja sig jafnframt vera undir meira álagi í starfi sínu og verða fyrir meiri truflun við starf sitt en foreldrar annarra barna og er streitan rakin til veikinda barnsins. Minni tími fyrir makann Rannsakendur segja að niðurstöður bendi til þess að mikill munur virðist vera á uppeldi og umönnun barna með ADHD samanborið við önnur börn. Álag og streita virðist einkenna uppeldi þessara barna að miklu leyti. Þetta hafi áhrif á marga þætti sem varða lífsgæði foreldra þeirra. Líklega sé um marga samverkandi þætti að ræða sem valdi því að foreldrar barna með ADHD búi við lakari lífsgæði og verri líðan. Til að mynda að meiri orka fari í daglegt amstur hjá þeim samanborið við aðra foreldra og þeir séu almennt undir miklu álagi. Það geti leitt til þess að þeir hafi þá minni tíma aflögu til að efla samband sitt við maka og jafnframt minni tíma fyrir systkini barnsins með ADHD, sem auki þá líkur á samskiptaerfiðleikum þeirra á milli og neikvæðu viðhorfi til fjölskyldunnar. Einnig benda niðurstöður rannsóknarinnar til þess að foreldrar barna með ADHD hafi áhyggjur af börnum sínum sem tengjast framtíð þeirra og hafi mun meiri áhyggjur en foreldrar barna sem eru ekki með ADHD. Rannsakendur segja að í ljósi þess hve alvarlegar afleiðingar hegðun ofvirkra barna geti haft, hversu tíðar fylgiraskanir geti verið og erfiðleikar í kjölfar þeirra miklir, séu áhyggjur foreldra vel skiljanlegar. Þyrfti víðtækari rannsókn Rannsóknin var gerð á meðal foreldra sem aðild eiga að ADHD samtökunum og fengu þau senda spurningalista árið 2006. Flestir, eða um 80% þeirra sem tóku þátt í rannsókninni, voru mæður. Alls tóku 281 einstaklingur þátt í rannsókninni. Rannsakendur segja það ágalla á rannsókninni að hún einskorðist við félaga í samtökunum. Ekki sé vitað hvort svör foreldra barna með ADHD sem ekki eru meðlimir í samtökunum yrðu sambærileg þeim sem eru félagar nú þegar.
Mest lesið Sat yfir líki í fjóra sólarhringa Fréttir Opinn en mannlaus veitingastaður Innlent Kosningavaktin: Íslendingar ganga að kjörborðinu Innlent Vígahópum vex ásmegin: Stór hluti Sahelsvæðisins í hættu Erlent Enn að átta sig á breyttri stöðu eftir tapið fyrir Þórdísi Innlent Sé líklega met að vera hafnað af flokki sínum tvisvar í sama mánuði Innlent Fethullah Gülen er látinn Erlent Fimm þingmenn Sjálfstæðisflokk á útleið Innlent Húsnæði Stuðla ráði ekki við málaflokkinn og úrbætur gengið hægt Innlent Segist ekki hafa verið beitt þrýstingi Innlent Fleiri fréttir Enn að átta sig á breyttri stöðu eftir tapið fyrir Þórdísi Mun ræða við formenn flokkanna um fjárlögin Dagmar Ýr tekur við stöðu sveitarstjóra af Birni Grindavíkurbær nú opinn almenningi Opinn en mannlaus veitingastaður Fimm þingmenn Sjálfstæðisflokk á útleið Húsnæði Stuðla ráði ekki við málaflokkinn og úrbætur gengið hægt Sé líklega met að vera hafnað af flokki sínum tvisvar í sama mánuði Segist ekki hafa verið beitt þrýstingi Þau skipa framboðslista Sjálfstæðismanna í Norðausturkjördæmi Fjallið hafi verið hátt og ekki tekist að klífa það „Ég lagði allt undir“ Ásmundur og Ólöf ræða stöðuna á Stuðlum og framboðslistar Sjálfstæðisflokksins Þau skipa framboðslista Sjálfstæðismanna í Norðvesturkjördæmi Þau taka þátt í prófkjöri Pírata Bryndís Haraldsdóttir tekur þriðja sætið Samþykktu framboðslista Sjálfstæðismanna í Suðurkjördæmi Græningjar vilja fara fram í öllum kjördæmum Jens í fyrsta og Njáll Trausti í öðru Bjarkey gefur ekki kost á sér Þórdís Kolbrún bar sigur úr býtum í Kraganum Björn hafði betur gegn Teiti Sanna leiðir lista Sósíalistaflokks í Reykjavík suður Ingveldur skákaði tveimur sitjandi þingmönnum Guðrún oddviti og Vilhjálmur í öðru sæti í Suðurkjördæmi Miðbær með skautasvelli byggður í Þorlákshöfn Teitur dregur oddvitaframboðið til baka Flutningurinn góður fyrir Framsókn en slæmur fyrir Sjálfstæðisflokk Biðla til fólks að sýna virðingu í nýopnaðri Grindavík Gerðu allt klárt fyrir Stuðlahópinn á örfáum klukkustundum Sjá meira