Smíðaði eigið borðstofuborð 17. október 2010 19:15 Kristján leitaði fanga í Góða hirðinum og fékk hægindastólinn fyrir slikk. Heimili Kristjáns Brynjars Bjarnasonar og Erlu Bjargar Valgeirsdóttur prýða heimasmíðuð húsgögn í bland við gamalt og nýtt. Kristján og Erla eru nýflutt inn í nýtt hús við Laugaveg. Þrátt fyrir staðsetninguna segir Kristján rólegt í húsinu. „Við þekkjum bæði miðbæjarskarkalann en við verðum ekki vör við neitt, þetta er eins og að búa uppi í sveit," segir Kristján. Beðinn um að lýsa heimilinu segir hann stílinn blöndu af nýju og gömlu. Leitað hafi verið fanga í Góða hirðinum en heimilið prýða einnig húsgögn eftir Kristján sjálfan, sem er húsasmiður að mennt. Kristján smíðaði borðstofuborð fyrir heimilið. Stólarnir leyndust á smíðaverkstæði frænda Kristjáns og reyndust í hinu besta ástandi. „Borðstofuborðið smíðaði ég því mér blöskraði verðlagið á borðstofuborðum á markaðnum. Þetta er mdf-plata lökkuð með bílalakki en grindina og fæturna smíðaði ég úr tekkstaur sem ég fékk ódýrt og þurrkaði upp. Ég nýtti afganginn af honum í litla drauga sem ég hef í gluggakistunni," segir Kristján þar sem hann situr við gluggann í gömlum stól úr Góða hirðinum. Stólana við borðstofuborðið sá Kristján á smíðaverkstæði hjá frænda sínum sem hann vann hjá um tíma. Hann hafði lengi augastað á þeim áður en hann fékk þá gefins. „Stólarnir eru í fínu ástandi. Við vitum ekki alveg uppruna þeirra, hvort þeir eru íslensk sjóræningjaútgáfa af stólum Hans J. Wegner eða hvort þeir eru eftir hann sjálfan, en við erum mjög ánægð með þá. Skenkinn fengum við líka í Góða hirðinum. Hann var illa farinn svo ég sparslaði hann upp og málaði. Björg hefur gaman af styttum héðan og þaðan og gylltu ugluna á skenknum fékk hún að gjöf frá ömmu sinni. Í skálinni býr síðan gullfiskurinn okkar, hún Gerður." - rat Kristján smíðaði náttborðið úr afgangs eikarparketti. Borðið er á þremur fótum en Kristján hefur gaman af hlutum sem fá áhorfandann til að efast um að þeir geti staðið. Mest lesið Þakklátir að búa í landi þar sem þeir geta gifst ástinni sinni Lífið Stjörnulífið: Dauð mús og djamm í Mykonos Lífið Gerður í Blush trúlofuð Lífið Erfiðast að horfa upp á veikindi ömmu sinnar Lífið „Í upphafi var tribal teknóið vinsælast en svo týndu menn því” Lífið Margot Robbie ólétt Lífið „Ég lofa miklu blóði“ Menning Gera grín að bransanum með „virtustu verðlaunum heims“ Menning Myndaveisla: Aron Can, Issi og Patti í tískupartýi ársins Tíska og hönnun Laufey í banastuði í Reykjavík Lífið Fleiri fréttir Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ „Ekki fylgja hverju einasta tískutrendi“ Enn að ná sér niður eftir að hafa hitt Miuccia Prada Leyfir bumbunni að njóta sín á meðgöngunni Sjóðheit trend beint af tískupallinum í París Skvísuviðburður þar sem hátískuflíkum rigndi yfir gesti Þotulið listagyðja fögnuðu að sænskum stíl „Ef ég væri ekki prestur væri gaman að vera poppstjarna“ „Mér þykir alltaf vænt um hlutina mína“ Líður bókstaflega óstöðvandi í góðu fitti Ofurskvísur landsins fögnuðu „Heiðarlegri“ fatalínu Heiðar Klæðir sig oft óbeint í stíl við dóttur sína „Tilfinningaþrungið að fá að fylgja myndinni í flík sem þessari“ Sjá meira
Heimili Kristjáns Brynjars Bjarnasonar og Erlu Bjargar Valgeirsdóttur prýða heimasmíðuð húsgögn í bland við gamalt og nýtt. Kristján og Erla eru nýflutt inn í nýtt hús við Laugaveg. Þrátt fyrir staðsetninguna segir Kristján rólegt í húsinu. „Við þekkjum bæði miðbæjarskarkalann en við verðum ekki vör við neitt, þetta er eins og að búa uppi í sveit," segir Kristján. Beðinn um að lýsa heimilinu segir hann stílinn blöndu af nýju og gömlu. Leitað hafi verið fanga í Góða hirðinum en heimilið prýða einnig húsgögn eftir Kristján sjálfan, sem er húsasmiður að mennt. Kristján smíðaði borðstofuborð fyrir heimilið. Stólarnir leyndust á smíðaverkstæði frænda Kristjáns og reyndust í hinu besta ástandi. „Borðstofuborðið smíðaði ég því mér blöskraði verðlagið á borðstofuborðum á markaðnum. Þetta er mdf-plata lökkuð með bílalakki en grindina og fæturna smíðaði ég úr tekkstaur sem ég fékk ódýrt og þurrkaði upp. Ég nýtti afganginn af honum í litla drauga sem ég hef í gluggakistunni," segir Kristján þar sem hann situr við gluggann í gömlum stól úr Góða hirðinum. Stólana við borðstofuborðið sá Kristján á smíðaverkstæði hjá frænda sínum sem hann vann hjá um tíma. Hann hafði lengi augastað á þeim áður en hann fékk þá gefins. „Stólarnir eru í fínu ástandi. Við vitum ekki alveg uppruna þeirra, hvort þeir eru íslensk sjóræningjaútgáfa af stólum Hans J. Wegner eða hvort þeir eru eftir hann sjálfan, en við erum mjög ánægð með þá. Skenkinn fengum við líka í Góða hirðinum. Hann var illa farinn svo ég sparslaði hann upp og málaði. Björg hefur gaman af styttum héðan og þaðan og gylltu ugluna á skenknum fékk hún að gjöf frá ömmu sinni. Í skálinni býr síðan gullfiskurinn okkar, hún Gerður." - rat Kristján smíðaði náttborðið úr afgangs eikarparketti. Borðið er á þremur fótum en Kristján hefur gaman af hlutum sem fá áhorfandann til að efast um að þeir geti staðið.
Mest lesið Þakklátir að búa í landi þar sem þeir geta gifst ástinni sinni Lífið Stjörnulífið: Dauð mús og djamm í Mykonos Lífið Gerður í Blush trúlofuð Lífið Erfiðast að horfa upp á veikindi ömmu sinnar Lífið „Í upphafi var tribal teknóið vinsælast en svo týndu menn því” Lífið Margot Robbie ólétt Lífið „Ég lofa miklu blóði“ Menning Gera grín að bransanum með „virtustu verðlaunum heims“ Menning Myndaveisla: Aron Can, Issi og Patti í tískupartýi ársins Tíska og hönnun Laufey í banastuði í Reykjavík Lífið Fleiri fréttir Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ „Ekki fylgja hverju einasta tískutrendi“ Enn að ná sér niður eftir að hafa hitt Miuccia Prada Leyfir bumbunni að njóta sín á meðgöngunni Sjóðheit trend beint af tískupallinum í París Skvísuviðburður þar sem hátískuflíkum rigndi yfir gesti Þotulið listagyðja fögnuðu að sænskum stíl „Ef ég væri ekki prestur væri gaman að vera poppstjarna“ „Mér þykir alltaf vænt um hlutina mína“ Líður bókstaflega óstöðvandi í góðu fitti Ofurskvísur landsins fögnuðu „Heiðarlegri“ fatalínu Heiðar Klæðir sig oft óbeint í stíl við dóttur sína „Tilfinningaþrungið að fá að fylgja myndinni í flík sem þessari“ Sjá meira