Biba vörumerkið á markað að nýju

House of Fraser mun í þessari viku setja á markað vörumerkið Biba að nýju, en fyrirtækið keypti vörumerkið í nóvember á síðasta ári.

Föt merkt Biba verða til sölu í verslun House of Fraser á Oxfordstræti á miðvikudaginn og í öðrum verslunum fatakeðjunnar daginn eftir. Fyrirsætan Daisy Lowe verður andlit vörumerkisins.

Biba vörumerkið var fyrst sett á markað árið 1964 og naut fljótt vinsælda hjá stórstjörnum á borð við Mick Jagger og Bítlunum.