Íslensk tískustuttmynd á tískuvikunni í París 23. ágúst 2010 12:00 Hrefna Hagalín og Kristín Bára Haraldsdóttir framleiddu stuttmynd fyrir hönnuðinn Munda. Tökur fóru fram við Landmannalaugar, Vík í Mýrdal og Seljalandsfoss en það hellirigndi á tökuliðið á fyrsta degi. fréttablaðið/stefán „Þetta er stuttmynd frekar en auglýsing, en tilgangurinn með henni er að kynna nýja sumarlínu Munda og verður myndin frumsýnd á tískuvikunni í París í lok september,“ segir Hrefna Hagalín sem framleiðir stuttmynd fyrir hönnuðinn Munda ásamt Kristínu Báru Haraldsdóttur. Myndin er saga ungrar stúlku sem gengur í gegnum ákveðið ferli og hittir ýmsa kynlega kvisti í leiðinni og fer fyrirsætan Brynja Jónbjarnadóttir með hlutverk stúlkunnar. Um fimmtán manna hópur dvaldi vikulangt við Landmannlaugar, Vík í Mýrdal og Seljalandsfoss við tökur á myndinni og segir Hrefna að það hafi gengið á ýmsu á meðan. „Á fyrsta tökudegi lentum við í mestu rigningu sem ég hef á ævinni upplifað. Þetta var tólf tíma tökudagur og í lok hans voru allir orðnir blautir inn að beini og grútskítugir og tjöldin okkar voru blaut það sem eftir var ferðinnar,“ segir Hrefna og bætir við að sem betur fer sluppu flíkurnar frá Munda að mestu. Aðspurð segir hún að fólk hafi skemmt sér vel við tökur þrátt fyrir slæmt veður og þótti mörgum miður þegar þeim var lokið. Hrefna og Kristín Bára reka saman framleiðslufyrirtækið Krúnk og framleiddu þær meðal annars stuttmynda Knowledy, ásamt því að hafa séð um leikstjórn. Innt eftir því hvort mikill munur hafi verið á því að framleiða Knowledy og stuttmyndina fyrir Munda svarar Hrefna því játandi. „Það er allt önnur reynsla að taka upp á hálendinu. Þar er engin búð, engin bensínstöð og miklu fleira sem þarf að hugsa út í áður en lagt er af stað. Svo þurftum við auðvitað að aðlaga myndina að veðrinu. Þannig það gekk á ýmsu, en allt gekk upp að lokum,“ segir Hrefna og hlær. -sm Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Forsetagæinn hyggst hlaupa sitt lengsta hlaup til þessa Lífið Syntu í hverri einustu laug landsins Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira
„Þetta er stuttmynd frekar en auglýsing, en tilgangurinn með henni er að kynna nýja sumarlínu Munda og verður myndin frumsýnd á tískuvikunni í París í lok september,“ segir Hrefna Hagalín sem framleiðir stuttmynd fyrir hönnuðinn Munda ásamt Kristínu Báru Haraldsdóttur. Myndin er saga ungrar stúlku sem gengur í gegnum ákveðið ferli og hittir ýmsa kynlega kvisti í leiðinni og fer fyrirsætan Brynja Jónbjarnadóttir með hlutverk stúlkunnar. Um fimmtán manna hópur dvaldi vikulangt við Landmannlaugar, Vík í Mýrdal og Seljalandsfoss við tökur á myndinni og segir Hrefna að það hafi gengið á ýmsu á meðan. „Á fyrsta tökudegi lentum við í mestu rigningu sem ég hef á ævinni upplifað. Þetta var tólf tíma tökudagur og í lok hans voru allir orðnir blautir inn að beini og grútskítugir og tjöldin okkar voru blaut það sem eftir var ferðinnar,“ segir Hrefna og bætir við að sem betur fer sluppu flíkurnar frá Munda að mestu. Aðspurð segir hún að fólk hafi skemmt sér vel við tökur þrátt fyrir slæmt veður og þótti mörgum miður þegar þeim var lokið. Hrefna og Kristín Bára reka saman framleiðslufyrirtækið Krúnk og framleiddu þær meðal annars stuttmynda Knowledy, ásamt því að hafa séð um leikstjórn. Innt eftir því hvort mikill munur hafi verið á því að framleiða Knowledy og stuttmyndina fyrir Munda svarar Hrefna því játandi. „Það er allt önnur reynsla að taka upp á hálendinu. Þar er engin búð, engin bensínstöð og miklu fleira sem þarf að hugsa út í áður en lagt er af stað. Svo þurftum við auðvitað að aðlaga myndina að veðrinu. Þannig það gekk á ýmsu, en allt gekk upp að lokum,“ segir Hrefna og hlær. -sm
Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Forsetagæinn hyggst hlaupa sitt lengsta hlaup til þessa Lífið Syntu í hverri einustu laug landsins Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira