Juventus vill fá Suarez

Úrúgvæski framherjinn hjá Ajax, Luis Suarez, er undir smásjánni hjá ítalska liðinu Juventus. Skal engan undra að liðið sé spennt fyrir Suarez sem lék vel á HM og hefur verið frábær með Ajax.

Juve er búið að leita hófanna víða að nýjum framherja en félagið vildi helst fá Edin Dzeko en það gekk ekki eftir.

Suarez kom til Ajax frá Groningen árið 2007 og er orðinn stjarna liðsins.

Hann er með samning við félagið til ársins 2013 og er verðlagður á um 30 milljónir evra.