Tvær fyrirsætukeppnir á Íslandi með stuttu millibili 28. ágúst 2010 00:01 Íslenskar stelpur sem ganga með fyrirsætudrauminn í maganum ættu að geta fundið sér vettvang til að láta ljós sitt skína því tvær fyrirsætukeppnir verða í Reykjavík með nokkurra mánaða millibili. Íslenska umboðsskrifstofan Eskimo Models hefur aftur tekið við Ford-fyrirsætukeppninni og fer keppnin fram í janúar á næsta ári. Þetta þýðir að tvær fyrirsætukeppnir verða haldnar hér á landi með stuttu millibili því nýtt útibú Elite-módelskrifstofunnar á Íslandi stendur einnig fyrir slíkri keppni í lok september. Eskimo sá um Ford-keppnina í níu ár en vegna mikilla anna var ákveðið að gera hlé á rekstri hennar. „Þetta var hreinlega orðið of mikið. Við vorum bæði með skrifstofur á Indlandi og að reka tískumerkið E-label og sáum ekki fram á að geta sinnt keppninni líka. Það er mikill undirbúningur og margra mánaða vinna sem liggur að baki svona keppni og við vildum frekar gera þetta vel en að henda þessu upp í flýti," útskýrir Andrea Brabin, eigandi Eskimo Models. Hún sér um keppnina ásamt góðu teymi fagmanna sem samanstendur af fyrirsætunni Tinnu Bergs, hönnuðinum Ásgrími Má, stílistanum Öldu B., Karli Berndsen og förðunarfræðingnum Fríðu Maríu. Leitin að nýjum fyrirsætum er í hámarki þessa dagana og segir Andrea að vel gangi að finna stúlkur til að taka þátt í keppninni. „Við erum á fullu að leita að stúlkum þessa dagana og það hefur gengið vel. Við erum í fyrsta sinn líka að leita að fyrirsætum í yfirstærð þannig þetta er ekki bara fyrir tággrannar stúlkur. Sigurvegarinn heldur svo út í heim í sumar og keppir þar í alþjóðlegu Ford-keppninni." Ford-módelskrifstofan var stofnuð árið 1946 í New York og var lengi eina módelskrifstofan þar í borg, eða allt þar til franska umboðsskrifstofan Elite opnaði útibú í borginni í upphafi níunda áratugarins og upp hófst hið svonefnda „fyrirsætustríð". Innt eftir því hvort svipað stríð sé í vændum á Íslandi núna svarar Andrea því neitandi. „Nei, það er ekkert stríð. Þetta er lítið land og öll samkeppni er góð og gefur manni smá spark í rassinn þannig að þetta er bara spennandi og ekkert stríð á milli okkar," segir hún. sara@frettabladid.is Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira
Íslenskar stelpur sem ganga með fyrirsætudrauminn í maganum ættu að geta fundið sér vettvang til að láta ljós sitt skína því tvær fyrirsætukeppnir verða í Reykjavík með nokkurra mánaða millibili. Íslenska umboðsskrifstofan Eskimo Models hefur aftur tekið við Ford-fyrirsætukeppninni og fer keppnin fram í janúar á næsta ári. Þetta þýðir að tvær fyrirsætukeppnir verða haldnar hér á landi með stuttu millibili því nýtt útibú Elite-módelskrifstofunnar á Íslandi stendur einnig fyrir slíkri keppni í lok september. Eskimo sá um Ford-keppnina í níu ár en vegna mikilla anna var ákveðið að gera hlé á rekstri hennar. „Þetta var hreinlega orðið of mikið. Við vorum bæði með skrifstofur á Indlandi og að reka tískumerkið E-label og sáum ekki fram á að geta sinnt keppninni líka. Það er mikill undirbúningur og margra mánaða vinna sem liggur að baki svona keppni og við vildum frekar gera þetta vel en að henda þessu upp í flýti," útskýrir Andrea Brabin, eigandi Eskimo Models. Hún sér um keppnina ásamt góðu teymi fagmanna sem samanstendur af fyrirsætunni Tinnu Bergs, hönnuðinum Ásgrími Má, stílistanum Öldu B., Karli Berndsen og förðunarfræðingnum Fríðu Maríu. Leitin að nýjum fyrirsætum er í hámarki þessa dagana og segir Andrea að vel gangi að finna stúlkur til að taka þátt í keppninni. „Við erum á fullu að leita að stúlkum þessa dagana og það hefur gengið vel. Við erum í fyrsta sinn líka að leita að fyrirsætum í yfirstærð þannig þetta er ekki bara fyrir tággrannar stúlkur. Sigurvegarinn heldur svo út í heim í sumar og keppir þar í alþjóðlegu Ford-keppninni." Ford-módelskrifstofan var stofnuð árið 1946 í New York og var lengi eina módelskrifstofan þar í borg, eða allt þar til franska umboðsskrifstofan Elite opnaði útibú í borginni í upphafi níunda áratugarins og upp hófst hið svonefnda „fyrirsætustríð". Innt eftir því hvort svipað stríð sé í vændum á Íslandi núna svarar Andrea því neitandi. „Nei, það er ekkert stríð. Þetta er lítið land og öll samkeppni er góð og gefur manni smá spark í rassinn þannig að þetta er bara spennandi og ekkert stríð á milli okkar," segir hún. sara@frettabladid.is
Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira