Fótbolti

Bréf frá Beckham til liðs AC Milan

Elvar Geir Magnússon skrifar
David Beckham liggur þjáður.
David Beckham liggur þjáður.

Leonardo, þjálfari AC Milan, las upp bréf frá David Beckham fyrir æfingu ítalska liðsins í dag. Tímabilinu er lokið hjá Beckham eftir meiðsli sem hann hlaut í síðustu viku.

Bréfið hljóðaði svo...

„Til þjálfarans og allra minna vina. Ég óska ykkur góðs gengis út tímabilið og ég vona að þið komið með bikarinn heim.

Ég vill líka þakka ykkur öllum fyrir stuðninginn og ástúðina sem þið sýnduð eftir leikinn gegn Chievo.

Þetta virkilega snerti mig og ég veit að ég á sanna vini hjá félaginu.

Ég vona að ég eigi eftir að spila með ykkur aftur og vera hluti af þessu yndislega liði. Enn og aftur þakka ég ykkur fyrir ástúðina og óska ykkur góðs gengis.

Ciao, David."








Fleiri fréttir

Sjá meira


×