Beðið fregna frá Brussel - Grísk stjórnvöld eru talin hafa beitt brellibrögðum 16. febrúar 2010 02:00 forsætisráðherra fundar í brussel George Papandreou, forsætisráðherra Grikklands, fékk miður gott bú í hendurnar þegar ríkisstjórn hans tók við í október í fyrra. Fréttablaðið/AP Evrópskir fjárfestar eru sagðir bíða þess í ofvæni til hvaða ráða fjármálaráðherrar evruríkjanna ákveða að grípa til varðandi skuldavanda Grikklands. Fundur ráðherranna hófst síðdegis í Brussel í Belgíu í gær. Samstarfsbræður þeirra í hinum aðildarríkjum Evrópusambandsins funda með þeim í dag. Fjölmiðlar vilja ekki rýna of stíft í kristalskúluna en telja ekki útilokað að ráðherrarnir ákveði að leggja drögin að hertum reglum aðildarríkja Evrópusambandsins svo þau keyri ekki út fyrir þær heimildir sem reglur ESB kveða á um. Þá er mjög líklegt að hver sem niðurstaðan verður í Brussel muni það hafa áhrif á önnur skuldsett ríki innan myntbandalagsins. Að því er fram kemur í skýrslu sem unnin var á vegum gríska fjármálaráðuneytisins hefur komið í ljós að gríska ríkisstjórnin átti frumkvæðið að því að gera skiptasamninga við nokkur fjármálafyrirtæki, þar á meðal Goldman Sachs í Bandaríkjunum, árið 2002. Bankinn veitti ríkinu lán upp á einn milljarð dala, jafnvirði um níutíu milljarða króna á þávirði, og setti það afborganir á eldri lánum á salt um nokkur ár. Við það jókst möguleiki Grikklands á inngöngu í myntbandalag ESB verulega. Slæm skuldastaða hins opinbera hafði einmitt komið í veg fyrir inngönguna þegar evran var tekin upp í hinum evruríkjunum árið 1999. Skýrslan er nú til umfjöllunar í gríska þinginu. Ljóst þykir að grísk stjórnvöld keyrðu langt út fyrir heimildir sínar en fjárlagahalli ríkisins jafngildir 12,7 prósentum af landsframleiðslu á sama tíma og skuldir hins opinbera eru í kringum 120 prósent af landsframleiðslu. Þetta jafngildir því að Grikkir þurfa að nýta 15,1 prósent af öllum skatttekjum ársins til að greiða niður lánabaggann, að því er franska fréttastofan AFP hefur upp úr skýrslu matsfyrirtækisins Moody's um málið. Þetta er tvöfalt hærra hlutfall en stjórnvöld á Spáni og í Portúgal þurfa að leggja til hliðar á sama tíma til að greiða niður skuldir hins opinbera. - jab Mest lesið Reiknar með því að Bónus sjái Prís sem áskorun Neytendur Lágvöruverðsverslunin Prís opnar í dag Neytendur Enginn byggi upp fyrirtæki til að standa í veg fyrir endurreisn þess Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Google leiðin: Fjögur atvinnuviðtöl yfirdrifið nóg Atvinnulíf Ummæli Trump vekja áhyggjur af sjálfstæði seðlabanka Viðskipti erlent Ósáttur við að fyrrum eigandi Skagans 3X standi í vegi endurreisnar Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Evrópskir fjárfestar eru sagðir bíða þess í ofvæni til hvaða ráða fjármálaráðherrar evruríkjanna ákveða að grípa til varðandi skuldavanda Grikklands. Fundur ráðherranna hófst síðdegis í Brussel í Belgíu í gær. Samstarfsbræður þeirra í hinum aðildarríkjum Evrópusambandsins funda með þeim í dag. Fjölmiðlar vilja ekki rýna of stíft í kristalskúluna en telja ekki útilokað að ráðherrarnir ákveði að leggja drögin að hertum reglum aðildarríkja Evrópusambandsins svo þau keyri ekki út fyrir þær heimildir sem reglur ESB kveða á um. Þá er mjög líklegt að hver sem niðurstaðan verður í Brussel muni það hafa áhrif á önnur skuldsett ríki innan myntbandalagsins. Að því er fram kemur í skýrslu sem unnin var á vegum gríska fjármálaráðuneytisins hefur komið í ljós að gríska ríkisstjórnin átti frumkvæðið að því að gera skiptasamninga við nokkur fjármálafyrirtæki, þar á meðal Goldman Sachs í Bandaríkjunum, árið 2002. Bankinn veitti ríkinu lán upp á einn milljarð dala, jafnvirði um níutíu milljarða króna á þávirði, og setti það afborganir á eldri lánum á salt um nokkur ár. Við það jókst möguleiki Grikklands á inngöngu í myntbandalag ESB verulega. Slæm skuldastaða hins opinbera hafði einmitt komið í veg fyrir inngönguna þegar evran var tekin upp í hinum evruríkjunum árið 1999. Skýrslan er nú til umfjöllunar í gríska þinginu. Ljóst þykir að grísk stjórnvöld keyrðu langt út fyrir heimildir sínar en fjárlagahalli ríkisins jafngildir 12,7 prósentum af landsframleiðslu á sama tíma og skuldir hins opinbera eru í kringum 120 prósent af landsframleiðslu. Þetta jafngildir því að Grikkir þurfa að nýta 15,1 prósent af öllum skatttekjum ársins til að greiða niður lánabaggann, að því er franska fréttastofan AFP hefur upp úr skýrslu matsfyrirtækisins Moody's um málið. Þetta er tvöfalt hærra hlutfall en stjórnvöld á Spáni og í Portúgal þurfa að leggja til hliðar á sama tíma til að greiða niður skuldir hins opinbera. - jab
Mest lesið Reiknar með því að Bónus sjái Prís sem áskorun Neytendur Lágvöruverðsverslunin Prís opnar í dag Neytendur Enginn byggi upp fyrirtæki til að standa í veg fyrir endurreisn þess Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Google leiðin: Fjögur atvinnuviðtöl yfirdrifið nóg Atvinnulíf Ummæli Trump vekja áhyggjur af sjálfstæði seðlabanka Viðskipti erlent Ósáttur við að fyrrum eigandi Skagans 3X standi í vegi endurreisnar Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira