Frambjóðendur hafna vangaveltum um kosningasvindl

Nokkrir frambjóðendur til formanns og stjórnar VR í nýafstöðnum kosningum hafa sent frá sér yfirlýsingu þar sem vangaveltum um kosningasvindl er vísað á bug. Tveir aðrir frambjóðendur sögðust í viðtali við DV fyrr í dag vilja láta rannsaka kosningarnar til þess að skera úr um hvort brögð hafi verið í tafli. Frambjóðendurnir sem nú stíga fram segjast hinsvegar þeirrar skoðunar að vel hafi verið staðið að kosningunum og spyrja þau hvort ekki sé nóg komið „af svona vinnubrögðum.“