Hvolpur féll af himni ofan

Hvolpur féll af himni ofan í Vancouver í Kanada á dögunum eftir að örn missti hann úr klóm sínum.

Hvolpurinn hafði strokið frá eiganda sínum og klófesti fuglinn hvutta þegar hann var á hlaupa í óbyggðum en svo virðist sem hundurinn hafi verið of þungur fyrir fuglinn sem hafi því misst hann til jarðar. Hvolpurinn er ekki alvarlega meiddur og talið er að hann muni ná sér að fullu þrátt fyrir fallið, sem ku ekki hafa verið mjög hátt.

Dýralæknir í Vancouver segir að það hafi kannski verið lán í óláni að fuglinn gripið hvolpinn með sér því hann var búinn að vera týndur í nokkra daga og virtist vera villtur.