Obama heimsótti Ölduselsskóla

Sarah Obama, föðuramma Baraks Obama Bandaríkjaforseta, heimsótti nemendur í Ölduselsskóla í dag. Þar kynnti hún sér verk og listgreinar skólans. Hún fylgdist með leiklistaratriði hjá nemendum í sjötta bekk. Þá skellti hún sér í matreiðslutíma og þáði kakó og smákökur af nemendum.

Sarah hefur verið stödd hérna síðustu daga. Það er Keníumaðurinn Paul Ramses sem hafði veg og vanda að komu hennar til landsins. Hann var líka í Ölduselsskóla í dag ásamt eiginkonu sinni og barni.