Andlát konu í austurborginni: Eiginmaðurinn laus úr haldi

Karl á sjötugsaldri, sem var úrskurðaður í gæsluvarðhald 16. maí, er laus úr haldi lögreglu.

Maðurinn var handtekinn eftir að eiginkona hans var endurlífguð á heimili þeirra í austurborginni. Konan, sem var á fimmtugsaldri, var flutt á sjúkrahús en lést þar nokkrum dögum síðar.

Bráðabirgðaniðurstaða krufningar gaf ekki tilefni til að hafa manninn áfram í haldi, segir í tilkynningu frá lögreglu.

Rannsókn málsins heldur áfram en ekki er hægt að veita frekari upplýsingar að svo stöddu.