NATO biður Afgana afsökunar á drápum á óbreyttum borgurum

Fjölþjóðalið NATO í Afganistan hefur beðist afsökunar á loftárás sem gerð var suðvesturhluta landsins á laugardag en að minnsta kosti fjórtán óbreyttir borgarar létu þar lífið. Æðstu hershöfðingjar bandalagsins segja í yfirlýsingu að ávallt sé reynt að koma í veg fyrir mannfall á meðal óbreyttra og að slík tilvik séu ætíð rannsökuð til hlítar.

Forseti Afganistans, Hamid Karzai, hefur fordæmt árásina og segir að frekari mistök af þessu tagi verði ekki liðin.