Obama heimsækir hamfarasvæðið í Alabama

Að minnsta kosti 297 hafa látist í óveðri sem gengið hefur yfir suðaustur-ríki Bandaríkjanna síðustu daga. Skýstrókar hafa tætt byggingar og önnur mannvirki í sig og er slóð eyðileggingarinnar sumstaðar gríðarleg.

Barack Obama Bandaríkjaforseti mun í dag heimsækja svæðin sem verst urðu úti í veðrinu, þar á meðal Tuscaloosa í Alabama þar sem stór skýstrókur gekk í gegnum miðja borgina. Obama hefur heitið íbúum því að fjárstuðningur frá alríkisstjórninni muni berast skjótt til þeirra samfélaga sem verst urðu úti.