Í samstarf við tískurisa 18. nóvember 2011 13:00 Hugrún Dögg Árnadóttir og Magni Þorsteinsson hjá Kron by Kronkron eru hæstánægð með samstarfið við franska fyrirtækið Mariu Luisu. Fréttablaðið/Valli „Þetta hefur alveg gríðarlega þýðingu fyrir okkur markaðslega séð og á vafalaust eftir að opna margar dyr. Fyrir okkur sem hönnunarfyrirtæki hefur auðvitað líka heilmikið að segja að vera sett í hóp með jafn áhrifaríkum hönnuðum. Hvað þá ef þeir eru valdir af leiðandi fyrirtæki eins og Mariu Luisu.“ Þetta segir Magni Þorsteinsson, annar eigenda Kron by Kronkron sem er komið í samstarf við franska tískurisann Mariu Luisu um hönnun, framleiðslu og sölu á skóm. Skórnir verða hluti af línu sem fyrirtækið lét hanna sérstaklega fyrir vefverslun sína 3suisses sem er sú stærsta í Frakklandi. Línan samanstendur af hlutum úr smiðju nokkurra af nafntoguðustu hönnuðum heims, Jonathans Saunders, Bernhards Willhelm, Yazbukey, Richards Nicoll og fleiri. Hún verður kynnt til sögunnar í lok mánaðarins og kemur á markað eftir áramót. „Maria Luisa er ávallt með puttann á púlsinum og ákvað að leiða saman krafta fólks sem fyrirtækinu þykir skara fram úr í hönnun í því skyni að vekja athygli almennings á tísku. Það hefur lengi haft augastað á Kron by Kronkron vegna einstakrar og spennandi hönnunar og bauð okkur þess vegna að vera með í að setja saman þessa línu fyrir 3suisses,“ segir Magni en útkoman verður í anda þeirrar skótísku sem Kron by Kronkron hefur getið sér gott orð fyrir; litrík, tímalaus og þægileg. Magni tekur þó fram að ekki sé eins mikið lagt upp úr smáatriðum og fjölda lita og áður þar sem skórnir komi til með að fara í fjöldaframleiðslu. „Enda hugsaðir fyrir miklu stærri markað þar sem vefverslun Mariu Luisu, 3suisses, er gríðarlega stór,“ bendir hann á og bætir við að Maria Luisa muni síðan að auki hefja sölu á aðallínu Kron by Kronkron í verslunum sínum í Asíu, það er í Hong Kong, Qatar og víðar eftir áramót. „Asíumarkaður hefur einmitt reynst okkur rosalega vel í gegnum tíðina,“ nefnir hann. roald@frettabladid.is Mest lesið Einhleypan: Grænkeri sem hrífst af hugrekki Makamál Selur fantaflotta íbúð sem hann keypti af Birni Braga Lífið Saknar ekki fullrar innkeyrslu af glæsikerrum Lífið „Kemur í ljós að þetta er í raun einhverfa“ Lífið Frumsýning á Vísi: Óvæntir gestir hjá Væb-bræðrum Lífið Kærasta Liam Payne tjáir síg í fyrsta sinn Lífið Halla og Björn létu sig ekki vanta á þorrablóti Álftaness Lífið 340 fermetra listaverkahöll í Kópavogi Lífið Tískan við þingsetningu: Snjórinn stoppaði ekki flottheitin Tíska og hönnun Kosning hafin fyrir Hlustendaverðlaunin Lífið Fleiri fréttir Gaman að sjá íslenska hönnun skína í dönsku tískusenunni Tískan við þingsetningu: Snjórinn stoppaði ekki flottheitin Halla forseti rokkar svart og hvítt Best klæddu, flippuðustu og fáklæddustu á Grammy Kaflaskil í tískunni þegar hann var tíu ára Steldu meðgöngustílnum af Tönju Ýr Patrik í hálfrar milljón króna skíðagalla Skemmtilegast klæddu á Golden Globe Halla í peysufötum langömmu sinnar Sjá meira
„Þetta hefur alveg gríðarlega þýðingu fyrir okkur markaðslega séð og á vafalaust eftir að opna margar dyr. Fyrir okkur sem hönnunarfyrirtæki hefur auðvitað líka heilmikið að segja að vera sett í hóp með jafn áhrifaríkum hönnuðum. Hvað þá ef þeir eru valdir af leiðandi fyrirtæki eins og Mariu Luisu.“ Þetta segir Magni Þorsteinsson, annar eigenda Kron by Kronkron sem er komið í samstarf við franska tískurisann Mariu Luisu um hönnun, framleiðslu og sölu á skóm. Skórnir verða hluti af línu sem fyrirtækið lét hanna sérstaklega fyrir vefverslun sína 3suisses sem er sú stærsta í Frakklandi. Línan samanstendur af hlutum úr smiðju nokkurra af nafntoguðustu hönnuðum heims, Jonathans Saunders, Bernhards Willhelm, Yazbukey, Richards Nicoll og fleiri. Hún verður kynnt til sögunnar í lok mánaðarins og kemur á markað eftir áramót. „Maria Luisa er ávallt með puttann á púlsinum og ákvað að leiða saman krafta fólks sem fyrirtækinu þykir skara fram úr í hönnun í því skyni að vekja athygli almennings á tísku. Það hefur lengi haft augastað á Kron by Kronkron vegna einstakrar og spennandi hönnunar og bauð okkur þess vegna að vera með í að setja saman þessa línu fyrir 3suisses,“ segir Magni en útkoman verður í anda þeirrar skótísku sem Kron by Kronkron hefur getið sér gott orð fyrir; litrík, tímalaus og þægileg. Magni tekur þó fram að ekki sé eins mikið lagt upp úr smáatriðum og fjölda lita og áður þar sem skórnir komi til með að fara í fjöldaframleiðslu. „Enda hugsaðir fyrir miklu stærri markað þar sem vefverslun Mariu Luisu, 3suisses, er gríðarlega stór,“ bendir hann á og bætir við að Maria Luisa muni síðan að auki hefja sölu á aðallínu Kron by Kronkron í verslunum sínum í Asíu, það er í Hong Kong, Qatar og víðar eftir áramót. „Asíumarkaður hefur einmitt reynst okkur rosalega vel í gegnum tíðina,“ nefnir hann. roald@frettabladid.is
Mest lesið Einhleypan: Grænkeri sem hrífst af hugrekki Makamál Selur fantaflotta íbúð sem hann keypti af Birni Braga Lífið Saknar ekki fullrar innkeyrslu af glæsikerrum Lífið „Kemur í ljós að þetta er í raun einhverfa“ Lífið Frumsýning á Vísi: Óvæntir gestir hjá Væb-bræðrum Lífið Kærasta Liam Payne tjáir síg í fyrsta sinn Lífið Halla og Björn létu sig ekki vanta á þorrablóti Álftaness Lífið 340 fermetra listaverkahöll í Kópavogi Lífið Tískan við þingsetningu: Snjórinn stoppaði ekki flottheitin Tíska og hönnun Kosning hafin fyrir Hlustendaverðlaunin Lífið Fleiri fréttir Gaman að sjá íslenska hönnun skína í dönsku tískusenunni Tískan við þingsetningu: Snjórinn stoppaði ekki flottheitin Halla forseti rokkar svart og hvítt Best klæddu, flippuðustu og fáklæddustu á Grammy Kaflaskil í tískunni þegar hann var tíu ára Steldu meðgöngustílnum af Tönju Ýr Patrik í hálfrar milljón króna skíðagalla Skemmtilegast klæddu á Golden Globe Halla í peysufötum langömmu sinnar Sjá meira