Lögreglumenn standa á gati

Enn hefur enginn verið handtekinn fyrir morðið á miðaldra hjónum í Óðinsvéum. Hjónin voru skotin til bana er þau voru á göngu í skóglendi við borgina á miðvikudagskvöld.

 

Málið er allt hið dularfyllsta þar sem engin haldbær ástæða virðist vera fyrir ódæðinu. Þó hefur lögregla útilokað að annað þeirra hafi orðið hinu að bana og svipt sig svo lífi. „Við göngum út frá því að það hafi verið tilviljun að þau voru myrt,“ sagði talsmaður lögreglunnar í gær. - þj