Dýrgripir úr ólíkum þræði 28. júní 2011 16:00 Gamli og nýi tíminn mætast hjá Dóru Guðbjörtu Jónsdóttur gullsmiði og Maríu Kristínu Jónsdóttur vöruhönnuði en þær sýna skartgripi í Sparki á Klapparstíg 33. Fréttablaðið/GVA María Kristín Jónsdóttir vöruhönnuður og Dóra Guðbjört Jónsdóttir gullsmiður sýna verk sín í Sparki. Alls 47 ár skilja þær stöllur að í aldri og þær nálgast skartgripagerð á ólíkan hátt. Þó má finna tengingu í verkum þeirra. Dóra smíðar víravirki úr silfurþráðum og María hnýtir hálsmen úr þræði. „Ég nota ákveðna hnýtingaaðferð í hálsmenin sem heitir makrame og munstrin eru formuð með hnýtingum," útskýrir María Kristín en makrame-hnýtingar úr grófu snæri voru vinsælar á sjöunda og áttunda áratugnum. Dóra Guðbjört segist ekki þekkja til þess að makrame-hnýtingar hafi verið notaðar í skartgripagerð og segja megi að gamli og nýi tíminn mætist hjá þeim stöllum. „Þetta eru ólík efni og ólíkur aldur og kannski ólík sjónarmið. Handverkið er þó af sama grunni og þræðirnir tengja okkur Maríu saman," segir Dóra en hún sýnir silfurskart, unnið með aldagamalli tækni. „Ég nota mismunandi silfurþræði sem fléttast saman og vinn munina eins og víravirki hefur verið smíðað gegnum aldirnar, höfuðbeygjur og fíngerðari þræðir innan í," útskýrir Dóra. Víravirki tilheyrir íslenska þjóðbúningnum og sótti María einnig í íslenska búninga í hugmyndavinnu sinni. „Ég fékk að nota teikningar af munstursaumi á pilsfaldi íslenska faldbúningsins frá Hildi Rosenkjær og sökkti mér ofan í þær. Formin á hálsmenunum þróuðust síðan frekar þegar vinnan hófst við hnýtingarnar. Þjóðbúningurinn er því líka tenging milli okkar Dóru þó við vinnum í ólík efni. Hlutirnir okkar beggja eru dýrgripir úr gjörólíku hráefni." Á tímabili fór þeim fækkandi sem kunnu tæknina við víravirki en Dóra segist finna fyrir auknum áhuga ungs fólks á handverkinu en hún hefur verið með námskeið, meðal annars hjá Heimilisiðnaðarfélaginu og í Tækniskólanum. María Kristín stundar einmitt nám í gullsmíði við Tækniskólann og mun læra víravirki í haust. Sýningin Þræðir stendur til 10. september. heida@frettabladid.is Mest lesið Margverðlaunaður garður með sólskini allan daginn Lífið „Þetta er enginn helvítis félagskvíði, það bara þolir mig enginn“ Áskorun Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Búið spil Lífið Dró Antonio grunlausan með sér í Gamla bíó Lífið Fundu ástina á ný eftir skilnað Lífið Svanhildur selur 500 fermetra höll í Akrahverfinu Lífið Heitustu hinsegin pör landsins Lífið Syntu í hverri einustu laug landsins Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira
María Kristín Jónsdóttir vöruhönnuður og Dóra Guðbjört Jónsdóttir gullsmiður sýna verk sín í Sparki. Alls 47 ár skilja þær stöllur að í aldri og þær nálgast skartgripagerð á ólíkan hátt. Þó má finna tengingu í verkum þeirra. Dóra smíðar víravirki úr silfurþráðum og María hnýtir hálsmen úr þræði. „Ég nota ákveðna hnýtingaaðferð í hálsmenin sem heitir makrame og munstrin eru formuð með hnýtingum," útskýrir María Kristín en makrame-hnýtingar úr grófu snæri voru vinsælar á sjöunda og áttunda áratugnum. Dóra Guðbjört segist ekki þekkja til þess að makrame-hnýtingar hafi verið notaðar í skartgripagerð og segja megi að gamli og nýi tíminn mætist hjá þeim stöllum. „Þetta eru ólík efni og ólíkur aldur og kannski ólík sjónarmið. Handverkið er þó af sama grunni og þræðirnir tengja okkur Maríu saman," segir Dóra en hún sýnir silfurskart, unnið með aldagamalli tækni. „Ég nota mismunandi silfurþræði sem fléttast saman og vinn munina eins og víravirki hefur verið smíðað gegnum aldirnar, höfuðbeygjur og fíngerðari þræðir innan í," útskýrir Dóra. Víravirki tilheyrir íslenska þjóðbúningnum og sótti María einnig í íslenska búninga í hugmyndavinnu sinni. „Ég fékk að nota teikningar af munstursaumi á pilsfaldi íslenska faldbúningsins frá Hildi Rosenkjær og sökkti mér ofan í þær. Formin á hálsmenunum þróuðust síðan frekar þegar vinnan hófst við hnýtingarnar. Þjóðbúningurinn er því líka tenging milli okkar Dóru þó við vinnum í ólík efni. Hlutirnir okkar beggja eru dýrgripir úr gjörólíku hráefni." Á tímabili fór þeim fækkandi sem kunnu tæknina við víravirki en Dóra segist finna fyrir auknum áhuga ungs fólks á handverkinu en hún hefur verið með námskeið, meðal annars hjá Heimilisiðnaðarfélaginu og í Tækniskólanum. María Kristín stundar einmitt nám í gullsmíði við Tækniskólann og mun læra víravirki í haust. Sýningin Þræðir stendur til 10. september. heida@frettabladid.is
Mest lesið Margverðlaunaður garður með sólskini allan daginn Lífið „Þetta er enginn helvítis félagskvíði, það bara þolir mig enginn“ Áskorun Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Búið spil Lífið Dró Antonio grunlausan með sér í Gamla bíó Lífið Fundu ástina á ný eftir skilnað Lífið Svanhildur selur 500 fermetra höll í Akrahverfinu Lífið Heitustu hinsegin pör landsins Lífið Syntu í hverri einustu laug landsins Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira