Metið staðfest hjá Guinness 12. október 2011 11:00 "Það var ævintýri líkast að koma upp á hásléttu Suðurheimskautslandsins, þessa hvítu auðn sem virtist engan endi ætla að taka," segir Hlynur. „Þetta er frábært og auðvitað fyrst og fremst meiri háttar viðurkenning á því starfi sem við höfum verið að vinna," hafði Hlynur Bjarki Sigurðsson, starfsmaður hjá Arctic Trucks, að segja í gær en þá varð ljóst að fyrirtækið hafði tryggt sér sess á spjöldum Heimsmetabókar Guinness fyrir hröðustu yfirferð á landi á suðurskautinu. Kazakhstan National Geographic Society, KNGS, stóð fyrir leiðangrinum sem var farinn frá Novo til suðurpólsins í desember á síðasta ári. Hlynur var bílstjóri og bifvélavirki og auk hans tveir starfsmenn frá KNGS og einn frá The Antarctica Company. Ekið var á tveimur Arctic Trucks-bílum, það er fjórhjóladrifnum AT44 Expedition sem eru smíðaðir á Toyota Hilux. Ferðalangarnir óku meðal annars yfir stórt, ókannað sprungubelti og upp í mikla hæð. Færi var oft erfitt, gríðarlegur kuldi og langar veglengdir sem þurfti að keyra án þess að fá eldsneyti. Engu að síður tók það Hlyn og félaga aðeins 108 tíma að keyra 2.308 kílómetra á pólinn sem jafngildir meðalhraða upp á 21,4 kílómetra á klukkustund.Annað íslenskt fyrirtæki, IceCool með Gunnar Egilsson í fararbroddi setti met á Suðurheimskautinu árið 2005. Þá ók Gunnar á sérútbúnum sex hjóla Ford 1.100 kílómetra leið frá Patriot Hills til Suðurpólsins. Leiðangurinn tók 69,3 tíma eða að meðaltali 16 kílómetra á klukkustund.Fréttablaðið/StefánÞeir gerðu tvisvar hlé á ferðinni, fyrst skömmu eftir að lagt var af stað í rúma tólf tíma til að fá hæðaraðlögun en hæðin sem farið er upp í jafngildir um 4.000 metrum. Seinna stoppuðu þeir í rúma fimm tíma til að bæta á eldsneyti, elda og hvíla sig. Félagarnir settu síðan í raun annað óskráð heimsmet á heimleiðinni sem tók þá aðeins 84 tíma að aka, eða sem gildir meðalhraða upp á 27,5 kílómetra á klukkustund. Hlynur segir viðurkenninguna frá Guinness vera ánægjulegan endi á ferð sem hafi þó fyrst og fremst verið farin í þeim tilgangi að undirbúa vísindaleiðangur á suðurpólinn nú í desember á vegum KNGS. „Þetta var mikill sigur fyrir bílana sem stóðust prófraunina með prýði og allt gekk eins og í sögu. Viðurkenningarskjal Guinness er góð staðfesting á því." Við þetta má bæta að Arctic Trucks smíðaði annan bíl fyrir Thomson Reuters „Eikon" byggðan á Toyota Tacoma sem mun reyna að bæta heimsmetið í desember. Hann leggur af stað frá Patriot Hills sem er styttri leið að suðurpólnum og á því ágæta möguleika að ná markmiðinu. roald@frettabladid.is Mest lesið Flytur fyrirtækin vegna löggjafar um trans börn Viðskipti erlent „Það er verið að ríkisvæða húsnæðismarkaðinn“ Viðskipti innlent Leggja upp laupana í Lundúnum Viðskipti innlent Níu holu golfvöllur á gamalli landnámsjörð Samstarf Fasteignakaup fjárfesta vísbending um að fasteignaverð haldi áfram að hækka Viðskipti innlent Dýr smjörvi á Egilsstöðum vekur mikla athygli Neytendur Ævintýralegt líf: Fjárfestirinn bankaði á gluggann á garðkofanum þar sem hann bjó Atvinnulíf Ólöglegt bleikiefni í hveitinu Neytendur Annað tilboð borist í Skagann 3X Viðskipti innlent Greiðsluáskorun Samstarf Fleiri fréttir Greiðsluáskorun Níu holu golfvöllur á gamalli landnámsjörð Ný og nútímaleg sveit í borg Engin málamiðlun þegar kemur að krafti Polestar 4 Hliðarbil ökutækja frá hjólreiðafólki 1.5 metrar 18 holu vatna- og skógavöllur með töfrandi fjallasýn Einn glæsilegasti golfvöllur landsins í Kiðjabergi Stærsti Hiab krani í heimi á sumarsýningu Veltis Áhersla á öryggi viðskiptavina Eftirvagnar breyta aksturseigileikum bílsins Tæknin tekur yfir leigubílamarkaðinn Hægt að tilkynna holur á vegum á vegbót.is – FÍB er alltaf á vaktinni Brimborg lækkar verð á rafbílnum Volvo EX30 Nýr Peugeot E-3008 rafbíll frumsýndur í Brimborg Bílaumboðið Una skrifar undir samning við XPENG Skelltu þér í sólina í sumar Nýjungar á Hótel Grímsborgum Ánægðari börn, foreldrar og starfsfólk og öflugt fagstarf Brimborg lækkar verð á Polestar Iðnaðarmaður ársins 2024 er fundinn Ofursmart heilsárshús Glæsilegar íbúðir með frábæru útsýni Ný leið fyrir fyrirtæki til að rafvæða bílaflotann Toyota fagnar sumrinu á laugardag Þú þarft ekki að óttast rigninguna Eitt glæsilegasta byggingarsvæði höfuðborgarsvæðisins Sjá meira
„Þetta er frábært og auðvitað fyrst og fremst meiri háttar viðurkenning á því starfi sem við höfum verið að vinna," hafði Hlynur Bjarki Sigurðsson, starfsmaður hjá Arctic Trucks, að segja í gær en þá varð ljóst að fyrirtækið hafði tryggt sér sess á spjöldum Heimsmetabókar Guinness fyrir hröðustu yfirferð á landi á suðurskautinu. Kazakhstan National Geographic Society, KNGS, stóð fyrir leiðangrinum sem var farinn frá Novo til suðurpólsins í desember á síðasta ári. Hlynur var bílstjóri og bifvélavirki og auk hans tveir starfsmenn frá KNGS og einn frá The Antarctica Company. Ekið var á tveimur Arctic Trucks-bílum, það er fjórhjóladrifnum AT44 Expedition sem eru smíðaðir á Toyota Hilux. Ferðalangarnir óku meðal annars yfir stórt, ókannað sprungubelti og upp í mikla hæð. Færi var oft erfitt, gríðarlegur kuldi og langar veglengdir sem þurfti að keyra án þess að fá eldsneyti. Engu að síður tók það Hlyn og félaga aðeins 108 tíma að keyra 2.308 kílómetra á pólinn sem jafngildir meðalhraða upp á 21,4 kílómetra á klukkustund.Annað íslenskt fyrirtæki, IceCool með Gunnar Egilsson í fararbroddi setti met á Suðurheimskautinu árið 2005. Þá ók Gunnar á sérútbúnum sex hjóla Ford 1.100 kílómetra leið frá Patriot Hills til Suðurpólsins. Leiðangurinn tók 69,3 tíma eða að meðaltali 16 kílómetra á klukkustund.Fréttablaðið/StefánÞeir gerðu tvisvar hlé á ferðinni, fyrst skömmu eftir að lagt var af stað í rúma tólf tíma til að fá hæðaraðlögun en hæðin sem farið er upp í jafngildir um 4.000 metrum. Seinna stoppuðu þeir í rúma fimm tíma til að bæta á eldsneyti, elda og hvíla sig. Félagarnir settu síðan í raun annað óskráð heimsmet á heimleiðinni sem tók þá aðeins 84 tíma að aka, eða sem gildir meðalhraða upp á 27,5 kílómetra á klukkustund. Hlynur segir viðurkenninguna frá Guinness vera ánægjulegan endi á ferð sem hafi þó fyrst og fremst verið farin í þeim tilgangi að undirbúa vísindaleiðangur á suðurpólinn nú í desember á vegum KNGS. „Þetta var mikill sigur fyrir bílana sem stóðust prófraunina með prýði og allt gekk eins og í sögu. Viðurkenningarskjal Guinness er góð staðfesting á því." Við þetta má bæta að Arctic Trucks smíðaði annan bíl fyrir Thomson Reuters „Eikon" byggðan á Toyota Tacoma sem mun reyna að bæta heimsmetið í desember. Hann leggur af stað frá Patriot Hills sem er styttri leið að suðurpólnum og á því ágæta möguleika að ná markmiðinu. roald@frettabladid.is
Mest lesið Flytur fyrirtækin vegna löggjafar um trans börn Viðskipti erlent „Það er verið að ríkisvæða húsnæðismarkaðinn“ Viðskipti innlent Leggja upp laupana í Lundúnum Viðskipti innlent Níu holu golfvöllur á gamalli landnámsjörð Samstarf Fasteignakaup fjárfesta vísbending um að fasteignaverð haldi áfram að hækka Viðskipti innlent Dýr smjörvi á Egilsstöðum vekur mikla athygli Neytendur Ævintýralegt líf: Fjárfestirinn bankaði á gluggann á garðkofanum þar sem hann bjó Atvinnulíf Ólöglegt bleikiefni í hveitinu Neytendur Annað tilboð borist í Skagann 3X Viðskipti innlent Greiðsluáskorun Samstarf Fleiri fréttir Greiðsluáskorun Níu holu golfvöllur á gamalli landnámsjörð Ný og nútímaleg sveit í borg Engin málamiðlun þegar kemur að krafti Polestar 4 Hliðarbil ökutækja frá hjólreiðafólki 1.5 metrar 18 holu vatna- og skógavöllur með töfrandi fjallasýn Einn glæsilegasti golfvöllur landsins í Kiðjabergi Stærsti Hiab krani í heimi á sumarsýningu Veltis Áhersla á öryggi viðskiptavina Eftirvagnar breyta aksturseigileikum bílsins Tæknin tekur yfir leigubílamarkaðinn Hægt að tilkynna holur á vegum á vegbót.is – FÍB er alltaf á vaktinni Brimborg lækkar verð á rafbílnum Volvo EX30 Nýr Peugeot E-3008 rafbíll frumsýndur í Brimborg Bílaumboðið Una skrifar undir samning við XPENG Skelltu þér í sólina í sumar Nýjungar á Hótel Grímsborgum Ánægðari börn, foreldrar og starfsfólk og öflugt fagstarf Brimborg lækkar verð á Polestar Iðnaðarmaður ársins 2024 er fundinn Ofursmart heilsárshús Glæsilegar íbúðir með frábæru útsýni Ný leið fyrir fyrirtæki til að rafvæða bílaflotann Toyota fagnar sumrinu á laugardag Þú þarft ekki að óttast rigninguna Eitt glæsilegasta byggingarsvæði höfuðborgarsvæðisins Sjá meira