Verðugur arftaki Dr. Jones Viggó Ingimar Jónasson skrifar 2. nóvember 2011 10:00 Nathan Drake gengur burt frá góðu dagsverki. Tölvuleikur. Uncharted 3. PS3. Það er alveg sérstök tilfinning sem fylgir því að spila Uncharted-leikina. Frá fyrstu mínútu eru leikmenn dregnir inn í heillandi heim sem er stútfullur af velsköpuðum persónum, vel skrifuðum samtölum og nægum hasar til að fylla 3-4 Hollywood stórmyndir. Uncharted-leikirnir hafa oftar en einu sinni verið sagðir þeir leikir sem komast næst því að hafa sama skemmtanagildi og góð hasarmynd. Þetta gildir að sjálfsögðu líka um Uncharted 3: Drake‘s Deception sem gefur fyrri leikjum ekkert eftir. Enn á ný er farið í hlutverk erkitöffarans Nathans Drake og að þessu sinni er leitað að fornri borg í miðri eyðimörk, hinni svokölluðu Atlantis sandanna. Leitin flytur leikmenn víða um heiminn, allt frá hálfónýtum köstulum í Frakklandi yfir í skipagrafreit í miðjum ofsastormi. Allt frá því að Indiana Jones hætti að vera skemmtilegur hefur sárvantað fígúru sem getur gert samsæriskenningar fornsögunnar spennandi og sú fígúra er klárlega Nathan Drake. Spilun Uncharted 3 skiptist í þrjá meginflokka: þriðju persónu skotbardaga, klifur þar sem menn leita réttu leiðanna að settu takmarki og svo að leysa þrautir. Ofan á þetta bætast síðan við mögnuð hasaratriði þar sem Drake þarf meðal annars að flýja úr brennandi húsum eða sleppa úr sökkvandi skemmtiferðaskipi. Að spila í gegnum söguþráð Uncharted 3 er frábær skemmtun og toppar auðveldlega flestallt annað sem er á markaðnum. Ofan á allt annað þá skartar Uncharted 3 netspilun, þar sem menn geta bæði keppt á móti hver öðrum og svo spilað saman í gegnum sérútbúin borð. Því miður var ekki búið að opna á vefþjóna leiksins þegar undirritaður spilaði í gegnum leikinn og því náðist ekki að prufukeyra þann hluta. En jafnvel þótt sá hluti myndi reynast vera hreint rusl, sem hann er örugglega ekki, gæti það ekki breytt því að Uncharted 3 er hreint frábær leikur sem ætti að vera skyldueign fyrir alla unnendur ævintýra og hasars. Niðurstaða: Uncharted 3 er flottari en svölustu hasarmyndir og heldur manni rígföstum frá upphafi til enda. Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Hélt niðri í sér hlátrinum yfir fölskum þjóðsöngnum Lífið Erfið lífsreynsla að þurfa að yfirgefa heimili sitt Lífið Fleiri fréttir Kinds of Kindness: Þríréttað hjá listakokknum Yorgos Slæmt jafnvægi á milli Baggalúts og Sinfóníunnar Sturluð rödd gerði áheyrendur tryllta The Lazarus Project: Varúð, veldur svefnleysi Sjá meira
Tölvuleikur. Uncharted 3. PS3. Það er alveg sérstök tilfinning sem fylgir því að spila Uncharted-leikina. Frá fyrstu mínútu eru leikmenn dregnir inn í heillandi heim sem er stútfullur af velsköpuðum persónum, vel skrifuðum samtölum og nægum hasar til að fylla 3-4 Hollywood stórmyndir. Uncharted-leikirnir hafa oftar en einu sinni verið sagðir þeir leikir sem komast næst því að hafa sama skemmtanagildi og góð hasarmynd. Þetta gildir að sjálfsögðu líka um Uncharted 3: Drake‘s Deception sem gefur fyrri leikjum ekkert eftir. Enn á ný er farið í hlutverk erkitöffarans Nathans Drake og að þessu sinni er leitað að fornri borg í miðri eyðimörk, hinni svokölluðu Atlantis sandanna. Leitin flytur leikmenn víða um heiminn, allt frá hálfónýtum köstulum í Frakklandi yfir í skipagrafreit í miðjum ofsastormi. Allt frá því að Indiana Jones hætti að vera skemmtilegur hefur sárvantað fígúru sem getur gert samsæriskenningar fornsögunnar spennandi og sú fígúra er klárlega Nathan Drake. Spilun Uncharted 3 skiptist í þrjá meginflokka: þriðju persónu skotbardaga, klifur þar sem menn leita réttu leiðanna að settu takmarki og svo að leysa þrautir. Ofan á þetta bætast síðan við mögnuð hasaratriði þar sem Drake þarf meðal annars að flýja úr brennandi húsum eða sleppa úr sökkvandi skemmtiferðaskipi. Að spila í gegnum söguþráð Uncharted 3 er frábær skemmtun og toppar auðveldlega flestallt annað sem er á markaðnum. Ofan á allt annað þá skartar Uncharted 3 netspilun, þar sem menn geta bæði keppt á móti hver öðrum og svo spilað saman í gegnum sérútbúin borð. Því miður var ekki búið að opna á vefþjóna leiksins þegar undirritaður spilaði í gegnum leikinn og því náðist ekki að prufukeyra þann hluta. En jafnvel þótt sá hluti myndi reynast vera hreint rusl, sem hann er örugglega ekki, gæti það ekki breytt því að Uncharted 3 er hreint frábær leikur sem ætti að vera skyldueign fyrir alla unnendur ævintýra og hasars. Niðurstaða: Uncharted 3 er flottari en svölustu hasarmyndir og heldur manni rígföstum frá upphafi til enda.
Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Hélt niðri í sér hlátrinum yfir fölskum þjóðsöngnum Lífið Erfið lífsreynsla að þurfa að yfirgefa heimili sitt Lífið Fleiri fréttir Kinds of Kindness: Þríréttað hjá listakokknum Yorgos Slæmt jafnvægi á milli Baggalúts og Sinfóníunnar Sturluð rödd gerði áheyrendur tryllta The Lazarus Project: Varúð, veldur svefnleysi Sjá meira