Sergio Perez frá Mexíkó, sem er nýliði í Formúlu 1 sló öllum við á Katalóníu brautinni á Spáni í dag, á æfingum Formúlu 1 keppnisliða. Hann náði besta tíma á Sauber bíl, sem er með Ferrari vél.
Tími Perez var betri, en tíminn sem heimsmeistarinn Sebastian Vettel náði í gær á Red Bull, samkvæmt frétt í dag á autosport.com. Tími Vettels í gær var besti tími sem hafði náðst á Katalóníu brautinnni á árinu á æfingum Formúlu 1 liða, en Perez gerði enn betur. Perez náði sínum besta tíma þegar ók með lítið bensín um borð í bíl sínum og tók nokkra eins hrings spretti í kapp við klukkuna.
Felipe Massa á Ferrari ók flesta hringi í brautinni, eða 132 og náði næst besta tíma dagsins, en Mark Webber á Red Bull var með þriðja besta tíma. Hann náði besta tíma á Katalóníu brautinni á þriðjudaginn.
Tímarnir í dag
1. Sergio Perez Sauber-Ferrari 1m21.761s 95
2. Felipe Massa Ferrari 1m22.092s + 0.331s 132
3. Mark Webber Red Bull-Renault 1m22.466s + 0.705s 97
4. Rubens Barrichello Williams-Cosworth 1m22.637s + 0.876s 105
5. Michael Schumacher Mercedes 1m22.892s + 1.131s 89
6. Nick Heidfeld Renault 1m23.541s + 1.780s 32
7. Heikki Kovalainen Lotus-Renault 1m23.990s + 2.229s 40
8. Vitaly Petrov Renault 1m24.233s + 2.472s 24
Nýliðinn Sergio Perez stal senunni
